Arzu və çağırış dolu Azərbaycan xəritəsi şeiri

AZƏRBAYCAN XƏRİTƏSİ
Qanad açan qartal kimi,
Azərbaycan xəritəsi!
Müəllif: Qalib Bəyməmmədoğlu
AZƏRBAYCAN XƏRİTƏSİ
Qanad açan qartal kimi,
Azərbaycan xəritəsi.
Xəzər başa göy şal kimi,
Azərbaycan xəritəsi!

Doqquz iqlim qurşağında,
İpək Yolu qovşağında,
Odlu günəş işığında,
Azərbaycan xəritəsi.

Azad ölkə, azad millət,
Oğuz yurdu, qədim dövlət.
Yerin altı, üstü sərvət,
Azərbaycan xəritəsi.

Dağlarının zirvəsi qar,
Geniş çölü, düzləri var.
Bir cənnəti xatırladar,
Azərbaycan xəritəsi.

Gur suludur Kürlə, Araz,
Sıralanıb Böyük Qafqaz.
Sərhədi çox, miqyası az,
Azərbaycan xəritəsi.

Yad əllərlə ölçülübdür,
Zəmi kimi biçilibdir,
Parça-parça kiçilibdir,
Azərbaycan xəritəsi.

Xətainin yurdu hanı?
Yadlar tutub dörd bir yanı.
Çəkib neçə şəhid qanı,
Azərbaycan xəritəsi!

Naxçıvanım ciyər param,
Qarabağım ürək yaram.
Zəngəzura intizaram,
Azərbaycan xəritəsi.

Xalqa dayaq duranım var,
Allahım var, Quranım var.
Arzularda Turanım var,
Azərbaycan xəritəsi!

Arzum budur zəfər olsun!
Şuşamıza səfər olsun!
Arzularım qədər olsun!
Azərbaycan xəritəsi!
Qalib BƏYMƏMMƏDOĞLU
10.10.2017

Видео Arzu və çağırış dolu Azərbaycan xəritəsi şeiri канала Bu da mənim ürəyim