Xocalı soyqırımı şəhidlərinə yazılmış şeir. Salam itkin ruhlar, viran qəbirlər

SALAM, İTKİN RUHLAR, VİRAN QƏBİRLƏR...

Salam itkin ruhlar, viran qəbirlər,
Gəlmişik ümidlə bu görüşə biz.
Yadlaşdıra bilməz həsrətli illər,
Biz sizə doğmayıq, siz bizə əziz.

Allah, bu ziyarət bizə Məşhəddir.
Dəhşətə gətirir acı mənzərə.
Bu necə vəhşilik, necə vəhşətdir,
Erməni ləkədir bütün bəşərə.

Nişanə axtarır didərgin elim,
Düşüb Xiyabana səslər-soraqlar.
Qəbirlər olubdur bax, ilim-ilim,
Qazılıb, talanıb bütün torpaqlar.

Kənardan sevincək bir səs ucalır,
"Zöhrənin qəbridir bu çöküb batan.
Ağacın kəsilmiş gövdəsi qalır,
Sanki qəbirləri şumlayıb kotan".

Başqa bir səs gəlir arxayın, əmin:
"Bu səbət, bu qotaz mənə tanışdır.
Qəbrini tapmışıq Vəliyəddinin,
Özüm toxumuşam, eyni naxışdır.

Amma düşmən edib burda fitnələr,
Külək də yerini dəyişə bilər.
Qardaşımdan qalan bu nişanələr,
Yerini dəyişib bu yana gələr".

Xocalıya dönür hərdən baxışlar,
O müsibətli gün sanki bu gündür.
Kədərdən, qüssədən süzülür yaşlar,
Xocalı sağalmaz dağdır, düyündür.
Müəllif: Qalib Bəyməmmədoğlu
Şeirin ardı var.

Видео Xocalı soyqırımı şəhidlərinə yazılmış şeir. Salam itkin ruhlar, viran qəbirlər канала Bu da mənim ürəyim