«Қазақстан халқына» қоры мен Алматы әкімдігі серіктестік меморандумға қол қойды

«Қазақстан халқына» қоры мен Алматы қаласы әкімдігі серіктестік меморандумға қол қойды. Өзара ұзақ мерзімді келісім аясында медициналық көмек, ауылдық жердегі спорт саласын дамытуға күш салынады. Қала тұрғындары, мәслихат депутаттары мен қоғам белсенділері қатысқан жиында қордың бүгінге дейін атқарған жұмысы баяндалды. Ал жүйелі ұсыныстар мен көкейтесті мәселелерді тыңдаған қор басшылығы әлеуметтік осал топтарға көмек көрсету бағыттары бойынша бірнеше бағдарламаны қолға алынатынын айтты.
Бүгін Алматыда өткен жиында «Қазақстан халқына» қоғамдық қорының төрағасы Болат Жәмішев ұйымның жарты жылдық жұмыс нәтижесіне тоқталды. Бұл аралықта ұйымға 40 мыңнан астам азаматтан өтінім келіп түскен, ал қызмет салаларын жалпы алғанда 10 миллиард теңгеден аса қаржы жұмсаған. Екі жақты меморандумға қол қойылған отырыста төрағалық еткен қала әкімінің орынбасары серіктестегі әкімдік тарапының рөлін түсіндіріп берді.
АРМАН ҚЫРЫҚБАЕВ, Алматы қаласы әкімінің орынбасары:
– Бұл конференцияда көптеген сұрақ қойылды. Біздің тұрғындар өздерінің көкейтесті мәселелеріне жауаптарын алып жатыр. Осының барлығы ұйымдастырушылық жұмысты талап етеді. Ең негізгі көмегіміз осында.
Бүгінгі таңда қоғамдық қор денсаулық сақтау, білім беру, спорт, әлеуметтік қолдау, төтенше жағдай салдарын жою бойынша қайырымдылық бағдарламаларын жүзеге асырып жатыр. Ал пікірталас барысында инклюзивті қоғам құрудың нақты жобаларын ұсынған қоғам белсендісі қор бағдарлама дайындау барысында алдымен қажеттіліктерді анықтап алған жөн дейді.
РАУАНА САҒАДИЕВА, ерекше балалары бар ата-аналар одағының жетекшісі:
– Біздің одақта 16 диагноз бар, көбісі білмейді оны, тек қана аутизм дейді, дцп дейді, басқа дейді. 16 түрлі диагноз бар, өздеріңіз ойлап қараңыздаршы. Нақты қажеттіліктерді анықтап барып, бюджетті қарастыру керек. Сонда ғана нақты көмек болады.
АЗАМАТ ҚАБЕТОВ, тілші:
– Бүгінгі таңда қоғамдық қорда жиналған сома 130 миллиард теңгеден асқан. Оның ішінде, білім беру гранттарына 4 жылға жоспарланған бюджет 13 миллиад теңгеден артық. Қайырымдылық аясын кеңейту мақсатында әлеуметтік ұйым өкілдері ел өңірлерін аралап, медициналық көмек, арнайы мектептердің сапасын арттыру, аймақтардағы балалар спортының дамуына көмек бермек.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео «Қазақстан халқына» қоры мен Алматы әкімдігі серіктестік меморандумға қол қойды канала Информбюро 31