АҚШ университеттерін мойындатқан қазақ жастары

Ханайым Мырзакәрім мектепте сабақ беріп жүріп білімін жетілдіруге болатынын дәлелдеген ұстаз. Шымкент мектептерінің бірінде ағылшын тілінен сабақ беретін жас маман ұдайы ізденісінің арқасында АҚШ-тың Бостон университетінің магистратурасына түскен. Ханайымнан өзге де шет елдік білімге қол жеткізген жастар бар. Әлемнің озық елдерінде оқуын жетілдіруге талпынған азаматтар туралы тілшіміз Ерлан Қуандық айтып берсе.
Ұстаздық жолын таңдаған Ханайым Мырзакәрім мектептен соң оқуын педагогика институтында жалғастырған. Ағылшын тілі пәнінің ұстазы атанып, дипломын қолына алған жас мұғалім Шымкенттегі білім инновациялық лицейінде оқушыларға бірнеше жылдан бері сабақ берген. Тоқтаусыз ізденісі оның «шет елде білімімді жетілдірсем» деген арманына жеткізген. Мұхит асып магистратура оқығанына да бір жылдай өте шығыпты.
ХАНАЙЫМ МЫРЗАКӘРІМ, Шымкент қаласының тұрғыны:
– Мектепте жұмыс жасап жүргенде неге оқып көрмеске дедім. Басында өзім былай қарап жүрдім. Неге осы шетелге шығып білімімді дамытпасқа, ары қарап көрмеске, неге оқымасқа, әлі жаспын ғой деп ойландым.
25 жастағы Ханайым оқуын бітірген соң, Қазақстанға, туған жерім Шымкент пен жылы ұя мектебіне келмек. Жиған білімім мен тәжірибемді оқушыларға үйретемін деп отыр.
ХАНАЙЫМ МЫРЗАКӘРІМ, Шымкент қаласының тұрғыны:
– Мен мысалы атап айтатындай байдың да қызы емеспін. Кәдімгі қарапайым орта шектен шыққан қызбын. Тіл білсең, білімің бар болса барлық жерде жүреді екенсің. Сол екен. Тек қана білімді тоқтатпау керек сияқты алдыңа мақсат қойып.
Ал шымкенттік Дәурен Арапбай болса, түрлі компанияларда жұмыс атқарып, белгілі нәтижеге қол жеткізген. Алайда білімін шыңдай түскісі келген ол ағылшын тілін барынша жетілдіре түсіпті. Бостон университетіне жолдамасын енді ғана қолына алып, қуанышын жасыра алмай отырған азамат әйелі мен екі қызын да ала кетпек.
ДӘУРЕН АРАПБАЙ, Шымкент қаласының тұрғыны:
– Мен өзіме мақсат қойдым. Өте қызықты сәттер болды, сабақ өту барысы болсын. Өзімнің шақырту алған кезімдегі сезім. Ары қарай визаға дайындалу сезімі. Виза алғаннан кейін самолетке билет алу сезімі. Енді бұйыртса, бір аптадан кейін Нью-Иорктің аэропортынан түскен кездегі сезіммен бөлісе жатармыз Құдай қаласа.
Қорқыныш пен жүрексіну алғашқы сатыда ғана дейді білім қуған жастар. Бастысы алдыңа қойған мақсатың айқын болса жеткілікті деген ұстанымда.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео АҚШ университеттерін мойындатқан қазақ жастары канала Информбюро 31