Сарт аке! Олуя, даанышман...

Сарт аке 1770-1780-жылдардын аралыгында учурдагы Нарын шаарынын четиндеги Теке-Секирик деген айылда туулган. Ата энеси Нарынга азыркы Ноокаттан барып, байырлап калышкандыгы айтылат. Бирок эмне үчүн Ноокаттан Нарынга барып жайгашып калгандыгы тууралуу маалымат жок. Балким ал кездери көчмөн кыргыздар “тиги жер меники, ал жер сеники” деп бир жерге байланбастан, кенен аймакта ээн-эркин көчүп конуп жүргөндүгүнөндүр деген көз караштар да бар.
Баланын ысымын атасы Доскулунун Кашкарлык уйгур досу Алимахун азан чакырып Сартбай деп коюп берет.
Сартбайдын 11 жашка чейинки балалыгы Нарын суусун бойлой өткөн экен. Кийин ата-энеси менен кошо Ысык-Көлдүн тескейиндеги Жалгыз-Өрүк деген кыштоосуна көчүп келишет. Он жетиге толгон кезде айтылуу манап Боронбай бийдин көзүнө урунуп, ал боз уланды өзүнө алдырып алат. Боронбай менен конушташ болуп жайкысын Ысык-Көлдүн Каркыра жайлоосунда жайлап, кыштоосун азыркы Ак-Суу районунун Түргөн суусунун боюнда өткөргөн.

Видео Сарт аке! Олуя, даанышман... канала ТЕЛЕСКОП КАНАЛЫ