Ақтөбеде газ түбіртегін тарататын бақылаушылар жалақының аздығына наразылықты танытып отыр

Бүгін Ақтөбеде әр үйді аралап, тұрғындарға газдың түбіртегін тарататын жүзден астам бақылаушы жалақының аздығына наразылық білдірді. Олар "ҚазТрансГаз" компаниясына халықтан айына миллиондап ақша жинап берсек те, жыл сайын тұтынған газға төлейтін ақы өссе де жалақымыз сол қалпы көтерілмеді дейді. Жиналғандардың сөзінше айлықтары соңғы 11 жыл ішінде небәрі 10 мың теңгеге өсіпті.
Соңғы он бір жылдан бері айлығымыз 7 пайыздан артық өспеді деп ашынғандар таң атысымен "ҚазТрансГаз" компаниясының Ақтөбе қаласындағы филиалының алдына жиналды. Олар басшыларға жалақыларын бірден жүз пайызға көтерсін деп талап қойды. Сөздерінше қысы-жазы әр үйге түбіртек тарататын бақылаушыларға артылатын жүк те, жұмыстың көлемі де көп. Бірақ бір айда алатын айлығымыз 60 мың теңгеден аспайды дейді.
РАЙХАН ҒАБДОЛОВА, бақылаушы:
– Біз 11 жыл бұрын кіргенде 50 000 айлықпен кірдік. Сол айлық қазір 60 280 теңге. Осы жерде тұрған мына каждый аналардың 4-5-тен бала-шағасы бар. Күнкөріс үшін жүрміз. Ерігіп жүрген жоқпыз. Жұмысымыз өте қиын. Барлық квитанцияны таратамыз. Объемды аламыз. Бәленбай миллионды жинап береміз. Біздің арқамызда "ҚазТрансАймақ" жұмысын жүргізіп отыр. Қара халықтың ақшасын көтермейді, неге ойламайды? 100 пайызға көтерсін!
ЖАМИЛА ЖҰМАҒҰЛОВА, бақылаушы:
– Киім алу дегенді ұмыттық. Тек тамағымыз, квартплатамыз, кредитіміз, болды. Осыған ғана өмір сүріп отырмыз. Бір басымызда жоқ дегенде мыңның үстінде абонент бар. Қосып жатыр, қосып жатыр.
Жиналғандар осыдан 1-2 жыл бұрын "ҚазТрансГаз" акционерлік қоғамына биллингтік қызмет көрсету үшін "ГазСервисГрупп" компаниясы құрылғанын айтады. Сол кезден бастап 179 бақылаушыны сол мекемеге аударып жіберді дейді. Сондықтан Ақтөбе облысын көгілдір отынмен қамтамасыз етіп отырған алып компания жұмысшылардың мәселесін серіктестік шешу керек екен. Ал біз ештеңе өндірмейміз, тек "KazTransGaz-бен" жасалған келісімшарт аясында ғана өз міндетімізді атқарып отырмыз деген компания өкілдері талапты орындай алмаймыз дейді. Себебі дәл қазір жалақыны бірден жүз пайызға көтеретін жағдай да, ресурс та жоқ.
ӘЛІБЕК ДОСМҰХАМБЕТОВ, "QazServiceGroup" ЖШС директоры:
– Бүгінгі күнге 100 пайыз деген талаптары орындалмай отыр.
– Неге?
– Біздерде оған өсіруге ақша бөлінбеген.
Алайда жиналғандар басшылық талапты орындамайтын болса бүгіннен бастап жұмысты тоқтатамыз деп отыр. Енді олар облыс әкімінен бастап президент Қасым-Жомарт Тоқаевқа дейін жазып, дайындап қойған хаттарын мекен-жайларына жібермекші.
Жанар Қожанова, Жомарт Құдайбергенов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ҚазТрансГаз #жалақы #дау #наразылық

Видео Ақтөбеде газ түбіртегін тарататын бақылаушылар жалақының аздығына наразылықты танытып отыр канала Информбюро 31