Elmin İzah edə Bilmədiyi 6 Sirli Hadisə

Bizi maraqlandıran suallara cavab tapa bilməyəndə elmə müraciət edirik. Elə deyilmi? Amma, əslində, hələ də elə fenomenlər var ki, elm onlara cavab verməkdə çətinlik çəkir. Bu videoda elmi izahı olmayan 6 hadisəni göstərməyə çalışacağıq. Təəccüblənəcəksiniz.
1. İnsan və qara dəlik. Gəlin birinci qara dəlik haqqında məlumat alaq. Yəqin ki, siz onun haqda eşitmisiniz. Bəs, əgər insan qara dəliyə düşsəydi nə baş verərdi? Fikirləşmək olar ki, qara dəlik ya sizi əzəcək, ya da minlərlə hissəciyə ayıracaq. Bəzi fiziklər düşünür ki, əslində, sizin taleyiniz daha qaranlıq olacaq. Lakin, alimlər hələ də qara dəliyə düşən insanın başıa nə gələcəyi ilə bağlı yekun qərara gəlməyib. Onların fikrincə, qara dəliyə daxil olduqda reallıq iki hissəyə bölünəcək. Birinci hissəsində ani olaraq yoxolmaya məhkumsunuz. İkincisində isə siz sağ-salamat olaraq qara dəliyin daxilinə hopacaqsınız. Bəs, bu necə baş verəcək? Siz qara dəliyə daxil olanda çox güclü cazibə qüvvəsinin təsirinə məruz qalacaqsınız. Bədən yüksək sürətlə hərəkət etməyə başlayacaq. Nəticədə, insan vücudu bir neçə kilometrədək uzanacaq. Özünüzü belə təsəvvür edə bilərsiniz? Yekunda sizdən qalan hissəciklər qara dəliyin mərkəzinə daxil olacaq və onun tərkib hissəsinə çevriləcək. Digər tərəfdən isə, qara dəlikdə fizika qanunları işləmir. Burada sürət və zaman dayanıb. Yəni, orda insanın harasa düşməsi uzun zaman ala bilər. Bütün bu ehtimallar bir yana, hələ də heç kim bilmir ki, qara dəliyə düşsə nə olacaq.
2. Plasebo effekti. Bu effekt haqda, yəqin ki, eşitmisiniz. Bu, çox qəribə və heyrətamiz effektdir. İnsanlar sağalacağına inanaraq dərmansız sağala bilir. Digər bir sözlə, biz öz-özümüzü aldadırıq və nəticədə sağalırıq. Bu da onu sübut edir ki, beynimiz güclü qabiliyyətlərə malikdir. Plasebo effektinin işlədiyini yoxlamaq üçün çoxsaylı təcrübələr aparılıb. Məsəl üçün, depressiyadan əziyyət çəkən insanlara antidepressan dadı ilə içi boş həblər veriblər. İnsanlar sağalıb. Bir müddətdən sonra həmin xəstələrə həqiqəti deyiblər. Yəqin fikirləşirsiniz ki, xəstələr həqiqəti biləndə müsbət effekt ya azalacaq, ya da nəticəsi pisə doğru gedəcək. Lakin, xəstələr yenə həmin içi boş həbləri içməkdə israrlı olub. Bu, həkimləri heyrətləndirib. Beləliklə, ehtimal etmək olar ki, gələcəkdə həkimlər ya vitamin C, ya da şəkər tozu verməklə bizi müalicə edcəklər. Yerdə qalan işi isə bütünlükdə beynimiz görəcək.
3. Kompaslı inək. İndi isə ağıllı heyvanlardan danışaq. Bilirik ki, bir çox heyvanlar; quşlar, həşəratlar və digər canlılar hərəkət istiqamətini müəyyənləşdirmək qabiliyyətinə malikdir. İndi isə bu cərgəyə inəklər və öküzlər də qoşulub. Bu faktı Çexiya və Almaniya alimləri aşkara çıxarıblar. Sual olunur: onlar ümumiyyətlə bu məsələ ilə niyə maraqlanırlar ki? Hələ qədimdən maldarlar müşahidə edib ki, heyvanlar sahədə otlayanda necə gəldi düzülmür, onlar xüsusi düzülüş qaydasından istifadə edirlər. Alimlər bu məsələni araşdırmaq üçün peyk şəkillərindən istifadə etmək qərarına gəliblər. Müəyyən olunub ki, inəklər və öküzlər daima şimaldan cənuba doğru hərəkət edir. Maraqlısı ondadır ki, qarşıdan əsən külək, yaxud günəşin hansı istiqamətdə olması da inəkləri yollarından döndərmir. Yalnız bir istiqamət var: şimaldan cənuba doğru. Hələ də aydınlaşdırılmayıb ki, inəklər Yer kürəsinin maqnit sahəsini necə müəyyən edə bilir.
4. Yoluxucu əsnəmək. Bu, hamının başına gəlib. Əsnəmək, xəstəlikdən də yoluxucudur. Əgər qarşınızda bir insan əsnəyirsə, tezliklə siz də əsnəyirsiz. Bu arada, siz hələ əsnəmədiniz ki?! Biz əsnəməyi günün istənilən saatında həyata keçiririk: səhər oyananda, axşam yatmağa hazırlaşanda, işdə, yolda... Demək olar ki, hər yerdə. Nə qədər istəsək də əsnəməkdən yaxa qurtara bilmirik. Bəs niyə biz başqalarını əsnəyərkən görəndə əsnəməyə başlayırıq? Həkimlər deyir ki, əsnəmək tibbi prosesdir. Beyində oksigen ça

Видео Elmin İzah edə Bilmədiyi 6 Sirli Hadisə канала Demədi Demə