Hər kəs Bu Ruslardan Danışır – Azərbaycana qarşı Ermənilərlə BİRLƏŞDİLƏR

#Rusiya #Azerbaycan #Ermenistan
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83
2-сi Qarabağ savaşı zamanı Rusiya telekanllarının əksəri vətənimizin haqq səsini boğmağa çalışdı. Erməni media maqnatlarının əlində oyunacağa çevrilən bəzi rus kanalları qərəzli mövqeləri ilə əsəbimiz tarıma çəkdi. Müharibə bitməsinə baxmayaraq vəziyyət hələ də dəyişməyib. İndi də onlar azərbaycana qarşı qızışdırıcı təbliğata başlayıblar. Üstəlik onların arasında keçmiş Bakı erməniləri də var.
Bu gün Bir Bax kanalında Rusiyada Azərbaycana qarşı neqativ fikir formalaşdıran şəxsləri tanıyacaqsınız. Diqqətiniz bizdə olsun!
Onların xüsusən üç fəal üzvü - “Russia Today” telekanalının direktoru Marqarita Simonyan, əri - rejissor və aparıcı Tiqran Keosayan və “Danışır Moskva” radiostansiyasının baş redaktoru, bakılı erməni Roman Babayan erməniləri fəal şəkildə revanşa hazırlayırlar. Hər üçünün Rusiya televiziyalarına və informasiya məkanına çıxışları olduqca genişdir. Bu qızışdırıcı təbliğatı hərdən hətta erməniləri aşağılamaqla, onları məğlubiyyətə görə günahlandırmaqla icra edirlər. Bu hiyləgər gedişlər, erməniləri riqqətə gətirmək və qisasa çağırış çıxışlarını Rusiya dövlətinin efir məkanı üzərindən və ya sosial şəbəkədən həyata keçirirlər.
Digər erməni politoloqları da bu işlərdə fəal iştirak edirlər. Baxmayaraq ki, Azərbaycan müharibəni udub, torpaqlarını işğaldan azad edib, hazırda hibrid müharibə mərhələsi daha ciddi xarakter almaqdadır. Bu işin əsas ağırlığını isə indi Moskvadan da narazı olduğunu gizlətməyən Rusiyadakı erməni diasporu yerinə yetirir. Qarşılığında isə Azərbaycanın Rusiyadakı diasporu kifayət qədər geriləyib. Onsuz da dağınıq durumdaydı, teleməkana ermənilərdən fərqli olaraq çıxış imkanlarımız ya yoxdur, ya da çox məhduddur, indi isə simonyanlar “meydan sulayır”.
Moskva Azərbaycanlıları İcmasının sədri Şamil Tağıyev “Yeni Müsavat”a danışarkən qeyd edib ki, Rusiyanın aparıcı mətbuat orqanlarına rəhbərlik edən ermənilərdən biri də Artşes Qabrelyandır. O, “İzvestiya” qəzetinin sahibidir, “Life News” də onun əlindədir: “Tək adıçəkilən üç adamla iş bitmir, siyahı daha genişdir. Sadəcə, onlar təkcə revanş yox, anti-Paşinyan kampaniyasına qoşulublar. Guya erməni millətinə əvvəldən izah edirdilər ki, Paşinyan hakimiyyətə gəlsə, torpaqları qaytaracaq və bu proqnozları da indi ”doğrulub". Revanş xəyalları ilə yaşayan əsas Artşes Qabrelyanın özüdür. O, müharibə arzularını teleməkanları ilə çatdırır. Adıçəkilən şəxslərin də diaspora ilə ciddi əlaqəsi yoxdur, erməni lobbiləridir".
“Paşinyandan sonra Rusiyada Erməni Federal Təşkilatı yarandı. Əvvəl Rusiya Erməni İttifaqı var idi. İndi bu iki qurum arasında qırğınlar başlayıb. Rusiya Erməni İttifaqı rəhbərliyi erməni diasporunun birlik əldə etməməsinin səbəbini Ermənistana göndərilən yardımların hara getməsində, necə çatmasında görür. Amma mətbuat sahəsində ermənilər güclüdürlər, alternativ platforma yoxdur ki, oraya çıxa bilək. Bu da ondan irəli gəlir ki, Rusiyada mediada zəifik, bu sahədə iş aparılmır. Rusiyadakı əksər azərbaycanlılar həyatın inkişafını iqtisadi inkişafda görürlər. Yəni bazarlar, ticarət mərkəzləri açılsın, amma media və yaxud televiziya açmaq haqda fikirləşmirlər”.
Moskva Azərbaycanlıları İcmasının sədri deyir ki, 44 günlük müharibədə də Rusiyadakı azərbaycanlılar arasında təşkilatlanma olmadı: “Hansısa diaspora tərəfindən idarə olunmadı, sadəcə, şəxsi təşəbbüslərlə efirə çıxırdıq, teleqram kanallarda fəal olurduq, ancaq bu da çox uğurlu alındı. İmkanlı azərbaycanlılar istəsə, Rusiyada media təsis edə bilər. Düzdür, Rusiyanın öz daxili siyasəti var, hər şey etmək olmur. Amma iki dövlət arasında danışıqlar aparılsa, razılaşma olsa, burada bizi təmsil edən media orqanı fəaliyyətə başlaya bilər. Məsələn, ”Sputnik"in Azərbaycanda nümayəndəliyi var. Azərbaycanın da informasiya mərkəzinin Rusiyada təmsilçiliyi pis olmazdı".
Rusiyada televiziyaların əksəriyyəti, “Dojd” istisna olmaqla, Putinə yaxın dairələri təmsil edir: “Həmin telekanallarda təkcə Simonyan və əri deyil, digər faşist əhval-ruhiyyəli ermənilər işləyirlər. Onlar əslində Rusiyanın və Prezidentin strateji maraqlarına xidmət etmək əvəzinə, efir vaxtının 30-40 faizini erməniliyə, Azərbaycana qarşı böhtan, iftira kampaniyasına sərf edirlər, millətlərarası münasibətləri qızışdırırlar. Halbuki qanuna görə, KİV-də nifaq salmaq, qızışdırıcı hərəkətlərə yol vermək cinayət fəaliyyəti sayılır. Və bu da Rusiya siyasi dairələrinin maraqlarına xidmət etmir. Nəticədə Rusiyanın postsovet məkanında nüfuzuna ciddi zərbə endirir”.
Üstəlik, “Russia Today” telekanalının direktoru Marqarita Simonyan Putinə yaxın dairələrin adamı hesab olunur.

Видео Hər kəs Bu Ruslardan Danışır – Azərbaycana qarşı Ermənilərlə BİRLƏŞDİLƏR канала Bir Bax