Çinlilər Boğaz və Bronxlardakı BƏLĞƏMİ belə Təmizləyir

#BirBax #xalqtəbabəti #bəlgəm #balgam

Bəlğəmdən təbii vasitələrlə necə yaxa qurtarmaq olar?

Bəlğəm siqaret çəkənlərin, ağciyər və bronxlarında problem olanların tez-tez rastlaşdığı xəstəlikdir. İlk başlarda insan bəlğəmi çox da ciddiyə almır, keçib gedər deyir. Lakin bəlğəm uzun müddət müalicə olunmasa ağırlaşa bilir. Gecələr boğulma hissi, keçməyən öskürək kimi hallar yaşanır. Bəs təbii vasitələrlə bəlğəmdən yaxa qurmaq mümkündürmü? Bəli. Bu gün həmin təbii vasitələrdən danışacağıq.

Bəlğəm nədir?

Bəlğəm ağciyərlər tərəfindən istehsal edilən qatı mayedir. Vəzifəsi odur ki, müəyyən nahiyələri nəmli saxlasın, virus və bakteriyalara qarşı qorusun. Xəstəlik və ya müxtəlif faktorlar səbəbilə ciyərdə bəlğəm istehsalı artarsa orqanizm bunu öskürəklə xaric etməyə çalışır. Bəlğəm məhz bu prosesin nəticəsində yaranır.

Bəlğəmli öskürək niyə yaranır?

Sağlam olduğumuzda ağciyərlər tərəfindən müdafiə mexanizmi kimi istehsal edilən bəlğəmin fərqinə o qədər də varmırıq. Amma xəstələndiyimizdə, yaxud həddən artıq toz, tük kimi xarici faktorlara məruz qaldığımızda bəlğəm qatılaşır. Orqanizm də başlayır onu öskürəklə xaricə atmağa. Bu bəlğəm ağciyərlərdə qalsa nəfəs almağı çətinləşdirir, tıxanıqlıq yaradır. Bəli, öskürək də bəlğəm kimi, orqanizmin müdafiə mexanizmidir. Siqaret də bəlğəmli öskürəyin səbəbləri sırasındadır. Əgər bəlğəm öskürəklə orqanizmdən çıxarılmasa, tənəffüs yolunu tıxayar.

Bəlğəmi azaldan qidalar:

Şorbalar;

Su və isti içkilər;

Paxlalılar;

Kəpəkli düyü, qara undan makaron, kəpəkli çörək;

Sarımsaq, soğan;

Gül kələmi, kərəviz, qulançar;

Brokoli, Brüssel kələmi kimi tərəvəzlər;

Zəncəfil, zəncəfil yağı, limon;

Ananas, portağal, qreypfrut;

Evdə bəlğəmin müalicəsi

Ø Buxar vannası. İsti suyun altında, ən azı, 10 dəqiqə gözləyin. Bu proseduru gündə 2 dəfə təkrarlayın. Yaxud bir qaba qaynar su tökün. Başınıza bir məhrəba salın, buxarla nəfəs alın. Proseduru gün ərzində bir neçə dəfə həyata keçirin;

Ø Nəmli hava. Quru hava ciyərlərdəki bəlğəmin qatılaşmasına səbəb olur. Bunun qarşısını almaq üçün evinizdə nəmləndirmə cihazı istifadə edə bilərsiniz. İstilik cihazlarının üzərinə, yaxud yaxınlığına 1 kasa su qoyun;

Ø Bol-bol su içmək. İlıq su bəlğəm çıxartmağı asanlaşdırır, bəlğəmin yaratdığı tıxanıqlığı azaldır;

Ø Duzlu su ilə qarqara. 1 stəkan ilıq suya 1 çay qaşığı duz qatın. Gün ərzində bir neçə dəfə boğazınızı bu qarışımla qarqara edin;

Ø Limon suyu. C vitamini deposu olan limon antibakterial xüsusiyyətə malikdir. Orqanizmin infeksiyalara qarşı mübarizə aparmaq gücünü artırır, bəlğəmi yumşaldır. 1 stəkan ilıq suya 2 çay qaşığı limon suyu, 1 xörək qaşığı bal əlavə edin. Bu qarışımı gündə 3 dəfə hazırlayıb için. Yaxud 1 dilim limon kəsin, üzərinə bir az duz və qara istiot səpin. Bu limon dilimini sorun. Gündə 2-3 dəfə bunu etsəniz, müsbət effektini görəcəksiniz;

Ø Qırmızı bibər. Qırmızı bibərin yandırıcı və qıcıqlandırıcı təsiri məlumdur. Bu sayədə o, sinədəki ağrıların azalmasına kömək olur, xəsarət almış boğazı rahatladır. 1 çay qaşığı ovxalanmış qırmızı bibər, rəndələnmiş təzə zəncəfil, 1 xörək qaşığı bal, bir neçə damcı alma sirkəsi, 2 xörək qaşığı ilıq su götürün. Hamısını bir-birinə qatın və gündə 2-3 dəfə için. Xörəklərinizə qırmızı istiot qatmağı da təxirə salmayın;

Ø Bal. Virus və bakteriya əleyhinə xüsusiyyətə malik olan bal xəsarət almış boğazı rahatladır, bəlğəmin asanlıqla xaric olunmasını təmin edir. Antiseptik özəlliyi sayəsində immunitetin infeksiyalarla daha sürətlə mücadilə etməsini dəstəkləyir. 1 xörək qaşığı bala 1 çimdik qara istiot səpin. Bu qarışımı 1 həftə boyunca gündə 2 dəfə qəbul edin. 1 stəkan ilıq suya 1 xörək qaşığı bal əlavə edin, gün ərzində bir neçə dəfə için;

Ø Soğan. Boğazı rahatladan, bəlğəmin xaric olunmasını asanlaşdıran mükəmməl antibiotikdir. İltihab əleyhinə xüsusiyyəti olan soğan əsl bəlğəmgətiricidir. İmmuniteti gücləndirir, sağalma prosesini sürətləndirir. Soğanlı məhlulu hazırlamaq üçün kiçik ölçülü 1 soğanı soyun, yuyun, xırdalayın. Xırdalanmış soğanı 2 xörək qaşığı şəkər tozunun içində yarım saat saxlayın. Qarışımdan çıxan suyu 2-3 saat fasilə ilə 1 xörək qaşığı olmaqla için. Soğan çayını hazırlamaq üçün 4 stəkan suda 1 baş soğanı qaynadın. Üzərinə limon və zəncəfil də əlavə edin. Dadını bəyənməsəniz, bal da qata bilərsiniz. Bundan əlavə, baş ucunuza 1 baş soğan qoyub yatmaq da faydalıdır;

Ø Yerkökü. İmmuniteti gücləndirən, müxtəlif infeksiyalara qarşı orqanizmin müqavimətini artıran yerkökü antioksidant qaynağıdır. Yerkökü kokteyli hazırlamaq üçün 4-5 yerkökünün suyunu çıxarın, azacıq su əlavə edin. Gün ərzində bunu için. Dadını bəyənməsəniz, bal da əlavə edə bilərsiniz.

Видео Çinlilər Boğaz və Bronxlardakı BƏLĞƏMİ belə Təmizləyir канала Bir Bax