İnsanı Ağrıdan DƏLİ EDİR - Dünyanın Ən Təhlükəli Bitkisi

#BirBax #Azerbaycan #gicitkan
Ona dünyanın ən qorxulu bitkisi deyirlər. Bu bitkinin yarpaqlarına toxunan hər kəs intihar edir. İntihar bitkisi adlandırılan, görünüşü gicitkan yarpaqlarına bənzədilən, tikanlı bir gövdəyə sahib bu bitki dünyanın ən təhlükəli bitkisidir. Bu gün sizə faydalı yox, çox zərərli bir bitki növündən danışacam. Diqqət ekrana.

Təsəvvür edin ki, Avstraliya bir meşədə azmısınız. Su içmək məqsədilə yaxındakı çaya üz tutursunuz. Birdən burnunuz qıcıqlanır və asqırırsınız. Dayanırsınız, burnunuzun qıcıqlanmasının keçməsini gözləyirsiniz. Bir neçə dəqiqə ötür, gözləriniz yaşarır, boğazınız qaşınır. Siz artıq sərbəst şəkildə nəfəs belə ala bilmirsiniz. Asqırmağınız dayanmır. Dəriniz qızarmağa başlayır. Burda olmaq sizə fiziki cəhətdən ağrı verir. Bir az daha olduğunuz yerdə dayansanız, huşunuzu itirə bilərsiniz. Buna səbəb gicitkana bənzəyən gimpi-gimpi bitkisidir.

Bəs, bu bitkiyə toxunsanız, nə baş verəcək? Bu zaman dərinizə, sanki, iynə batırılacaq. Həmən ordan qaçmağa başlasanız belə, ağrınız yüngülləşməyəcək. Dəridəki yanma hissi uzunmüddətli olacaq. Hətta həftələr, aylar keçəcək, amma siz o hissi təkrar-təkrar yaşayacaqsınız. Bitkiyə toxunduqdan sonra əlinizi soyuq su və sabunla yuya bilərsiniz. Amma bunun sizə köməyi az olacaq. Ağrı il boyu da çəkə bilər. Çünki bitkinin kiçik iynələri dəriyə sancılıb, orada qalır.

Gimpi-gimpi nə boydadır ki, onun yarpağına toxunmağın peşmanlığını bir il çəkə bilərsiniz? Sirr ondadır ki, bu bitkini ayırd etmək olduqca çətindir. O, dəvədabanı və gicitkənin qarışığına bənzəyir. Gicitkəndən fərqi tikanlarının daha sıx və çox olmasıdır. Ehtiyatı əldən verməyin! Tozcuqlar, tikanlar bitkinin olduğu ərazidə havada uçuşur. Əleyhqaz olmadan oralarda gəzmək çox təhlükəlidir. Maska? Yox, yox! Sizi koronavirusdan qoruyan maska gimpi-gimpinin qarşısında acizdir. Bitkinin tikanları parçadan keçə bilir.

Gimpi-gimpinin lifləri ilə tez-tez rastlaşmaq olmur. Olduqları yerdə də xəbərdarlıq işarələri qoyulur. Bu ziyankar bitki Avstraliyada bitir. Hələ 1860-cı ildə qızılaxtaranlar ona Gimpi şəhəri yaxınlığında rast gəliblər. Düşünürəm ki, bu, qızılaxtaranlar üçün heç də xoşagələn kəşf olmayıb. İndinin özündə belə, gimpi-gimpi odunçular və turistlər üçün ciddi təhlükə yaratmaqdadır.

Siz təsadüfən bu bitkiyə toxunsanız, bir toxunuşunuz bəs edər ki, bir neçə həftə iş qabiliyyətinizi itirəsiniz. Bəzi hallarda zədələnən nahiyələr onilliklər boyunca ağrıyır. Bir dəfə kolun üzərinə yıxılan insan ağrıdan huşunu itirib.

İnsanlar gimpi-gimpinin səbəb olduğu ağrını eyni anda 30 arının sancmasından yaranan ağrı ilə müqayisə edirlər. Heç bir ağrıkəsici vasitə bu ağrıya təsir etmir. Bu halı yaşayan bir oğlan deyir: “İki il ərzində, hər çiməndə o ağrını hiss etmişəm.”

Əgər bitkini yaxından tanımaq istəyirsinizsə, qoruyucu paltar və əleyhqaz geyinməlisiniz. Bədəninizdə açıq səth olmamalıdır. Şalvarınızın balağı çəkmənin içinə salınmalı, əliniz əlcəkli olmalıdır. Yalnız bu qiyafətdə gimpi-gimpi bitən əraziyə daxil olmaq şansınız var. Gimpi-gimpi, adətən, çayların yaxınlığında bitir. O, Avstraliyanın 6 zəhərli bitkisindən biridir. Günəşi çox sevir. Bitkinin yarpaqlarının səthindəki tikanlar zəhərlidir. İstənilən təmasda bitki bu tikanlar vasitəsilə özünün yandırıcı toksinini ixrac edir. Toksin düşən nahiyədə dəri qızarır, ağrı anbaan güclənir. Ağrının müddəti bədənə daxil olan tikanların miqdarından asılıdır. Üstündən illər keçdikdən sonra belə, siz zədələnmiş nahiyəyə təzyiq edəndə, hiss edəcəksiniz ki, hələ də tikanlar ordadır və öz toksinlərini ötürməkdə davam edirlər. Bu bitkiyə qarşı hələ ki, zərdab hazırlanmayıb. Səbəb odur ki, alimlər toksinin hansı komponentlərdən ibarət olduğu haqda dəqiq məlumatlara sahib deyillər.

Zəhərin təsirinin uzun illər davam etdiyi danılmazdır. Bu zəhər çox aşağı və yüksək temperaturlara davamlıdır. Su onun təsirini azaltmaq əvəzinə, artırır. İllər əvvəl, alimlər bir neçə gimpi-gimpi qurusunu toplayaraq, laboratoriyaya gətirmiş, üzərində analizlər aparmağa başlamışdılar. Qısa zaman ərzində məlum oldu ki, onlar heç də bu bitkinin yaratdığı təhlükədən sığortalanmayıblar. Bəli, bəli! Gimpi-gimpinin qurudulmuşu da təzəcə zoğ vermişi qədər toksin ötürmək qabiliyyətinə malikdir. Hətta alimlərin laboratoriyaya gətirdiyi nümunələr bir neçə il əvvəl toplanmış və qurudulmuşdu. Yəni, zaman gimpi-gimpinin zəhərləmə gücü qarşısında acizdir.

Qoruyucu paltarda olsanız belə, gimpi-gimpi ilə təmasdan sonra həmin paltara toxunmağa tələsməyin. Birinci, paltarı dezinfeksiya edin, sonra ehtiyatla paltarı soyunun, paltaryuyan maşına qoyun, ən uzunmüddətli yuma proqramını seçin. Kiçik tikanlar paltarın qırışları arasında, tikiş yerlərində qalar və sonradan sizə zərər vura bilər. Ehtiyatı əldən verməyin.

Видео İnsanı Ağrıdan DƏLİ EDİR - Dünyanın Ən Təhlükəli Bitkisi канала Bir Bax