Халăха мĕн чăрмантарать-ши?

Кулленхи пурнăçра пăшăрхантараканни чылай сиксе тухать. Вĕсене сӳтсе явма вара кампа канашламалла-ши? Çивĕч ыйтусене татса пама пĕрлехи информаци кунĕ май парать. Ăна Чăваш Енри влаç тытăмĕнче ĕçлекенсем уйăхсерен йĕркелеççĕ. Пĕрлехи информаци кунне хальхинче Чăваш Енри Улатăрта йĕркелерĕç. Унта пурăнакансене кăсăклантаракан ыйтусем сахал мар. Сăмахран, сыватмăшра флюорографи аппарачĕ çĕмĕрĕлнĕ. Çавăнпа çынсен урăх округри сывлăх çуртне çӳреме тивет. Пуçлăхсем пĕлтернĕ тăрăх, хатĕрпе 2024-мĕш çулта тивĕçтерĕç. Улатăрти çулсем пирки те сăмах хускатрĕç. Хăш-пĕр çĕрте машинсем капланса тăраççĕ, иртсе кайма чăрмантараççĕ. Вырăн-вырăнпа çулсем япăх е туса пĕтермен – кăна та тимлĕхе илчĕç.

Видео Халăха мĕн чăрмантарать-ши? канала Национальное телевидение Чувашии