«Профессионалы» чемпионата хатĕрленеççĕ

Пуласлăх – çирĕп ăс-тăнлă çамрăксен аллинче. Çакна вĕсем тĕрлĕ ăмăртăва хутшăнса ĕнентереççĕ. Хальхи вăхăтра Чăваш Енри тăхăр çамрăк «Профессионалы» чемпионат финалне хатĕрленет. Вăл Питĕр хулинче чӳк уйăхĕн 25-мĕшĕнче пуçланĕ. «Вĕренӳре йывăр – çапăçура çăмăл», тенĕ Александр Суворов полководец. Унăн сăмахĕсене тĕпе хурса тенĕ пекех Çĕнĕ Шупашкарти химипе механика техникумĕн студенчĕсем «Профессионалы» чемпионата хатĕрленеççĕ. Çамрăксем сетьри системăна йĕркелессипе хăйсен пĕлĕвĕсене кăтартĕç. Вĕсен компьютерсемпе интернет-тетĕлĕсене ĕçлеттермелле пулĕ. Питĕр хулине Çĕнĕ Шупашкарти 6-мĕш гимназире пĕлӳ илекен Андрей Шомкин та кайĕ. Çӳллĕ шайри ăмăртăва хатĕрленме вăл та пĕлĕшĕсем патне техникума çӳрет. Пуласлăхне IT- енĕпе çыхăнтарма ĕмĕтлекенкен каччăшăн «Профессионалы» чемпионат ӳсĕм лапамĕ евĕрех пуласса шанать вăл. Раççей шайĕнчи ăмăртăва лекес тесе каччăсем малтан республика тапхăрĕнче хутшăнса мала тухнă. Питĕр хулинче те вĕсем регион чысне тивĕçлĕн хӳтелеме шантараççĕ. Тăрăшма сăлтавĕ те пур. Пĕрремĕш вырăна çĕнсе илекене 300 000 тенкĕ укçапа савăнтарĕç.

Видео «Профессионалы» чемпионата хатĕрленеççĕ канала Национальное телевидение Чувашии