შოკოლადის კანფეტები შინაურულად იდეალის შიგთავსით. მარტივად და სწრაფად მოსამზადებელი გემრიელობაა

კანფეტები "იდეალი"

კანფეტები, რომელთაც გემო აქვთ ყველასთვის საყვარელი ტორტის, იდეალის,  ანუ იდეალის შიგთავსია კანფეტებად. მარტივად მზადდება, უგემრიელესია, ულამაზესი და რაც მთავარია ვიცით ,ვინ, როგორ, რისგან და რანაირად მოამზადა😉🤗
  მაშ ასე გამოვაცხოთ თაფლიანი ორცხობილები ან ერთი მთლიანი ფენა.
2 კვერცხი და 150 გრ.შაქარი ავთქვიფოთ, დავამატოთ 50 გრ. კარაქი, ვანილი, ნახ.ჩ.კ.სოდა ძმრით ან ლიმონის წვენით, 3ს.კ.თაფლი  და 2ჭ. ფქვილი. მოვზილოთ ცომი. ცომისგან გამოვაცხოთ ან ორცხობილები ,ან ერთი ფენა. დავაქუცმაცოთ გასაბრტყელებლით ან ბლენდერით.
   2 ჭ. დაქუცმაცებულ მასას  ვუმატებთ 2 ს.კ.რბილ კარაქს, 3ს.კ.მოხარშულ შესქელებულ რძეს და დაჭრილ ნიგოზს სურვილისამებრ. ავურიოთ კარგად.
მე დავყავი მიღებული მასა ორად.ერთს დავუმატე 3ს.კ.კაკაო.
ორივესგან გავაკეთოთ კანფეტები.
გავაცივოთ საყინულეში 30 წუთი მაინც.
   გაცივებულებს მომენტალურად აშრება გამლღვალი შოკოლადი.
  შოკოლადი ორთქლზე გაადნეთ ან  ინტერვალებით მიკროტალღურში. მე ორი შოკოლადი გამოვიყენე
მუქშიც ამოვავლე კანფეტები და თეთრშიც.თეთრს მოვაწუწე მუქი შოკოლადი, შავს კი- თეთრი.
  ზოგი კანფეტი კი უბრალოდ უშოკოლადოდ ამოვავლე ნუშში, ზოგიც ქოქოსში. შეგიძლიათ კაკაოში. ოღონდ კაკაო უნდა იყოს კარგი ხარისხის.
  ნიგოზი შეგიძლიათ თხილით ჩაანაცვლოთ. თუ კი თაფლზე ალერგია გაქვთ, ან უბრალოდ არ გიყვართ თაფლი.შეცვალეთ თქვენთვის სასურველ ორცხობილებზე.
  საოცარი სასუსნავია ყავასთან თუ ჩაისთან.

🧑‍🍳🏠📺მეტი ჩემი რეცეპტების სანახავად ეწვიეთ :
 ფეის-გვერდი: https://www.facebook.com/shin2975/

 ინსტაგრამ- გვერდი: https://instagram.com/shinauruli_homemade_food?igshid=4rzfl431pz3w

იუთუბი არხი: https://www.youtube.com/channel/UCDY6HOMw_ZDfak0rR2BuaUA

Видео შოკოლადის კანფეტები შინაურულად იდეალის შიგთავსით. მარტივად და სწრაფად მოსამზადებელი გემრიელობაა канала Shinauruli -homemade easy recipes