Сайлау мерзімі жақындаған сайын, партиялар «қозғала» бастады

Парламент сайлауының үгіт-насихат кезеңі жақындаған сайын партиялар белсене бастады. Саяси науқанға дейін бар-жоғы белгісіз болатын ұйымдардың ребрендинг жасағаны өз алдына, енді кейбір кандидаттар инстаграмда жазылушы жинап әлек болып жатыр екен. Бүгін алдағы сайлау туралы пікір алмасқан сарапшылар осындай мысал келтірді. Саясаттанушылар жалпы бұл жолғы саяси науқанға қатысушылар үгіт-насихатты қалай жүргізу керек екенін және жеңілген жағдайда қалай есе қайтаруға болатыны туралы айтты. Пандемияға байланысты қазірдің өзінде бірнеше аймақта карантин қатаңдатылып отыр. Яғни, көп өңірде үгіт-насихат жұмыстары барысында бұрынғыдай халықты жинап алып, кездесу өткізуге мүмкін болмайтын сияқты. Мамандар бұл жағдай жаңаша әрі заманауи әдістерді пайдалануға берілген мүмкіндік дейді.АЛУА ЖОЛДЫБАЛИНА, Саясаттанушы:– Биылғы көрсеткен сайлаулардың нәтижесі бойынша сайлаушыға тек қана листовка немесе жарнама ғана көрсетіп әсер ете алмайды екен. Яғни, бірнеше технологияны пайдалану керек болады. Оның ішінде әсіресе онлайн технологияны. Сосын әлеуметтік желілерді жиі пайдалану керек.Бұл идеяны ерте түсінген кейбір партияның үміткерлері осы бастан қамданып жатыр екен.ИНДИРА РЫСТИНА, Саясаттанушы– Мысалы, бір партияның тұлғалары бірнеше миллион жазылушысы бар адамдардың гивтарына қатысып, өзінің жазылушыларын көбейтіп жатқанын көріп жатырмыз. Яғни, популистік тұрғыдан жасалып жатқан нәрселер бар. Тек қана сайлау алдында өзінің тұлғалық атын шығарып, сол арқылы партияға дауыс жинау деген көрсеткіш бар.Саясаттанушы мұны Қазақстан азаматтарының партияға емес, сол партия ұсынған кандитаттардың жеке тұлғасына қарап дауыс беретінінің айғағы дейді. Ал, дамыған елдерде керісінше партияның бағдарламасы басымдыққа ие болады екен. Кейбір сарапшылар 10 қаңтарда тиісті жетістікке жете алмаған саяси ұйымдар келесі парламент сайлауын күтпей-ақ келесі жылы есе қайтара алады дейді.МАРАТ ШИБҰТОВ, Саясаттанушы– Осы сайлауға қатысатын партиялар үшін екінші раунд бар деп айтуға болады. Ауыл әкімдерінің сайлауында есе қайтара алады дер едім. Ол үшін аймақтардағы филиалдарын дамытып, ауыл халқымен тығыз жұмыс істейтін деңгейге жеткізу керек.Ал, саясаттанушы Айдос Сарым бір ғана адам басқаратын жүйені өзгерту керек дейді. Ол үшін конституцияда көрсетілген барлық саяси институттарды жандандыруды ұсынып отыр. Нұр Отан партиясының атынан үміткер ретінде ұсынылған сарапшы парламентке өтсем өз ойымды ашық айтамын деді.АЙДОС САРЫМ, Саясаттанушы:– Менің ойымша, әрбір депутат партиялық тәртіпке бағынса да, ішкі рухани, жани азаматтық автономиясы сақталады ғой. Айтамын деген адамға ешқандай шек жоқ менің ойымша. Мен шаблонда жоқпын. Дәстүрлі функционер емеспін.БАҚЫТНҰР ӘЛІБАЙ, Тілші:– Мамандар назардың бәрі мәжіліс сайлауына ауып отырғанын да кемшілікке санайды. Өйткені, қарапайым халықтың мәселесінің бәрі жергілікті жерде шешілетінді. Соны ескерген саясаттанушылар дауыс берушілер мәслихаттардың да маңызы зор екенін ұмытпау керек дейді. Бақытнұр Әлібай, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Сайлау мерзімі жақындаған сайын, партиялар «қозғала» бастады канала Информбюро 31