Қаланы безендіруге 193 миллион теңге бөлген Қарағанды әкімдігінің басы дауға қалды

Қарағанды әкімдігі биылғы мерекелерде қаланы безендіру жұмыстарына 193 миллион теңге бөлген. Оның тендері коронавирус өршіп тұрған биылғы жылдың сәуірінде жарияланып, маусымда Қарағанды билігі «Шаңырақ Құрылыс Ком» жауапкершілігі шектеулі серіктестігімен келісім шарт жасасқан. Бұл ақпарат мемлекеттік сатып алу порталында жарияланған. Ал жұқпалы індет тарап жатқан уақытта Президент Қасым-Жомарт Тоқаевтың өзі Наурыз, Жеңіс күні сияқты мерекелік шараларды атап өтуден бас тартып, халықты да соған шақырған еді. Пандемия кезінде қаланы мереке кездерінде безендіру үшін миллиондап ақша бөлген Қарағанды әкімдігінің басы дауға қалды. Мемлекеттік сатып алу порталда "Қарағанды қаласының коммуналдық шаруашылығы, жолаушылар көлігі және автомобиль жолдары бөлімі" мемлекеттік мекемесі 10 тамызда қаланы эстетикалық безендіру бойынша 258 миллион теңгеге келісімшарт жасалғаны көрсетілген. Тапсырысты орындаушы Шымкенттің «Шаңырақ ҚұрылысКом» жауапкершілігі шектеулі серіктестігі. Жұқпалы індет өршіп тұрған сәтте безендіруге миллиондап бөлінген қаржы халықты қуанта қоймаған. Негізгі келісімшарт 25 маусымда жасалған. Техникалық ерекшелікке сай, тапсырысты орындаушы Бірлік күні, Отан қорғаушылар, Жеңіс күні, Елорда күні, Конституция күні, Бірінші президент күні және т.б. мерекелерде қаланы жарықпен безендіру жұмыстарын жүргізуі тиіс. Атқарылған жұмыстар бойынша актіге сүйенсек, қазірге дейін 122 миллион теңге төленген. Ал әкімдіктегілер жағдайды былай түсіндіреді. ЖАНБОЛАТ ТОҚМУРЗИН, «Қарағанды қаласының коммуналдық шаруашылығы бөлімі» ММ сектор меңгерушісі:– Биылғы біз төтенше жағдайға қарамастан алдында орнатылған жобалау элементтерін сақтандыру ретінде біз жұмыс атқардық. Өйткені адамның көңілі қалмайды ғой, жарық элементтері болмаса қала қап қара болып кетеді. Ауырса да көңіл деген бар ғой қазақта. Атқамінерлер желтоқсан айындағы мерекелерге 62 миллион теңгеге қаланы безендірмек. Бұл сомаға олар 5 жаңа жылдық шырша және 900-ден астам дизайн элементтерін орнатпақ екен.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Қаланы безендіруге 193 миллион теңге бөлген Қарағанды әкімдігінің басы дауға қалды канала Информбюро 31