Бақытжан Сағынтаев Алматыдағы эпидемиологиялық жағдайды жіті бақылауда ұстап отыр

Алматыда эпидемияның екінші толқынына әзірлікті қала әкімі Бақытжан Сағынтаев жіті қадағалап отыр. Әкім Алматы өткен аптада сары аймаққа енген соң, қалалық Денсаулық сақтау басқармасына короновирус инфекциясының таралуын тежеуіміз керек деп талап қойды. Ал аурудың алғашқы толқынында тапшы болған, аурухана мен медициналық препараттар мәселесін шештік деген қала басшысы тәжірибеден өткен кадрлар резервін де жасақтапты.Қаладағы жағдайдың қалыпты екенін айтқан Алматы әкімі Бақытжан Сағынтаев, қазір күн-түн демей дайындықты нығайтып жатырмыз дейді. Алайда карантиндік жағдайдың күшейтілуі, науқастар санының көбеюімен тікелей байланысты екенін айтады. БАҚЫТЖАН САҒЫНТАЕВ, Алматы қаласы әкімі: (16 қараша, 2020 ж.)– Алматының жабылатыны жабылмайтыны өзімізге байланысты. Егер де сақтық жағдайларын сақтамайтын болсақ, масканы тақпайтын болсақ, ара-қашықтық сақтамайтын болсақ, той-тойлап жүре беретін болсақ әрине ертең амал жоқ сондай жағдайға келуіміз мүмкін.Алматыға 2021 жылдың 31 қаңтарына дейін кемінде 40 миллион дана дәрі-дәрмек пен медициналық өнімдер жеткізу жоспарланып отыр. Бүгінгі таңда 33 миллион медициналық препарат әкелініп, оның 14 миллионы нарыққа жолданса, қалғаны резервтік қоймаларда сақтаулы екен.ТАЛҒАТ ҚАТАБАЕВ, қойма директоры:– Осында қоймаға бес милилитрлік шприц, системалар бір рет құйылатын, сосын термометрлер, электронды және сынапты термометрлер алып келдік. Алматыдағы Ковид-19 инфекциясының алдын алу үшін 280 орынды Модульдік балалар ауруханасы салынған. Онда 9 клиникалық бөлімше мен 28 төсек-орындық жансақтау бөлімшесі бар.ҚАРЛЫҒАШ НЕСІПБАЙҚЫЗЫ, Алматы қаласы Модульдік балалар ауруханасының басшысының орынбасары:– Өткен кемшіліктерімізді ескере отырып, екінші толқынға жоғарғы деңгейде дайынбыз. Соңғы үлгідегі медициналық құрал-жабдықтармен ауруханамыз толығымен қамтамасыз етілген.Қаладағы тұрақтылықтың тағы бір кепілі, тұрғындардың сақтық шараларын күшейтуі дейді мамандар. Өйткені соңғы айдағы мониторинг жұмыстары нәтиежесінде індетке іліккендердің басым көбі, той-томалақ пен кафе -ресторандардан жұқтырғандар екен.Әлібек Шынтемір, Думан Сүлейменов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Бақытжан Сағынтаев Алматыдағы эпидемиологиялық жағдайды жіті бақылауда ұстап отыр канала Информбюро 31