ШҚО-да дәрігерлер шекараны еркін өту үшін бес мың теңгеге анықтамалар сатып келген

Шығыс Қазақстан облысында індет өршіген тұста жекеменшік аурухананың дәрігерлері қолынан келгенді қонышынан басқан. Нақтырақ айтқанда елдегі ахуалды пайдаланып, шекарадан еркін өту үшін бес мың теңгеге анықтама қағаздарын сатқан. Ал шығыста бастапқы тіркелген вирус дәл осы сырттан келгендерден болатын.Қазақстан аумағына заңсыз кіріп шығуға жалған анықтама сатқан жекеменшік медицина орталығы қызметкерлерінің әрекеті көпке бармай әшкере болды. Бұл туралы Ұлттық қауіпсіздік комитетінің өкілдері анықтаған. Күдіктілер кінәләрін толықтай мойындап отыр. Олардың әрқайсысына мың айлық есептік көрсеткіш көлемінде айыппұл салынды. Осылайша шығыста пандемия кезінде дәрігердің бірі құйтырқы әрекетін іске асырып жатса, тағы бірде ауадай қажет ақхалаттылар жетіспей жатыр. Бүкіл облыста он үш пульмонолог дәрігер ғана қызмет атқарады екен.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео ШҚО-да дәрігерлер шекараны еркін өту үшін бес мың теңгеге анықтамалар сатып келген канала Информбюро 31