20 Dəqiqə Suda Saxlayın! - BÜTÜN AĞRILARINIZ YOX OLACAQ

#BirBax #Soyuqdeyme
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83
Soyuqdəymən var? ayağını isti suya qoy, keçəcək…

Çoxlarımızın uşaq vaxtı, bəzilərimizin elə mənim kimi indi də etdiyi dərmansız müalicə üsulu. İsti suyun nəinki ayaqlar, ümumən bədənə çox faydaları var. Lakin isti sudan qəfil buz kimi suya keçsəniz necə? Bədəninizdə nələrin baş verə biləcəyinizi təsəvvür edə bilirsiniz?

Bu gün bir bax kanalında soyuqdəymə hallarından tutmuş, bir çox xəstəliklərin müalicəsində istifadə olunan isti və soyuq su vannalarından danışacağıq. Bu videonu maksimum şəkildə bəyənin ki, hər kəs evdə, dərmansız müalicə üsulundan xəbərdar olsun.

İsti su vannası fiziki məşqi əvəz edə bilər.

Amerika Fizioloji Cəmiyyəti tərəfindən nəşr olunan “Journal of Applied Physiology” (Cournal Of Aplayd Fizialoji) dərgisində nəşr olunan araşdırmanın nəticəsinə görə, isti su vannası müəyyən mənada fiziki məşqləri əvəz edə bilər. Belə ki, isti su vannası bədən tərbiyəsi kimi, əzələlərin güclənməsinə, orqanizmin ümumi tonusunun yüksəlməsinə və qan şəkəri səviyyəsinin normallaşmasına kömək edir.

tədqiqat çərçivəsində fiziki məhdudiyyəti və artıq çəkisi olan kişi könüllülər isti su vannası ilə bağlı təcrübədə iştirak ediblər. Əvvəlcə onlar 27 dərəcə temperaturu olan otaqda 15 dəqiqə vaxt keçiriblər. Daha sonra onların bəziləri 39 dərəcəlik suda 60 dəqiqə vanna qəbul ediblər.

Məlum olub ki, isti vanna qanda iltihab əleyhinə xüsusiyyəti olan sitokin konsentrasiyalarının artmasına səbəb olub. Digər effekti isə arterial təzyiqi azaltmaq və damarların divarını yumşaltmağa qadir olan azot oksidlərinin istehsalını artırmaqdır.

Araşdırmanı aparan alimlər bildiriblər ki, təcrübə davam edən bir neçə həftə ərzində iştirakçıların insulin və aclıq qan şəkəri səviyyəsi aşağı düşüb. Bundan başqa, bədənin müxtəlif yerlərində xroniki iltihab əlamətlərinin azalması qeydə alınıb.

Bu nəticələri nəzərə alaraq, araşdırma müəllifləri isti su vannasının müsbət təsirini fiziki məşqlərlə müqayisə edilə biləcəyini vurğulayıblar. Onların fikrincə, isti vanna fiziki hərəkəti az olan insanların formada qalmalarına kömək edə bilər.

Ancaq onu da nəzərə almaq lazımdır ki, isti suda uzun müddət qalmaq, xüsusən kişilərin seksual sağlamlığına mənfi təsir göstərə bilər. Ona görə də aşırı istifadə tövsiyə edilmir.

İndi də keçək soyuq su vannasına.

Bu barədə The Daily Mail" jurnalı yazır ki, Britaniyada Viktoriya zəmanəsinin adamları yaraları sağaltmaqdan tutmuş vahiməni götürməyədək bir çox müalicə üsullarını soyuq vannalarla edərdilər.

Hazırda idmançıların bir çoxu əzələ ağrılarından xilas olmaq üçün buzlu vannalardan və soyuq duşdan istifadə edirlər. Bəziləri inanırlar ki, soyuq duş dəridəki qırışların azalmasına xidmət edir.

Məqalədə deyilir ki, alimlər tez bir şəkildə bədəndən axıdılan soyuq suyun immun sistemini möhkəmləndirdiyini və əhvalı yüksəltdiyini bildirirlər.

Ekspertlər inanırlar ki, isti və ya soyuq suyun müalicəvi gücü onların temperaturunda yox, əvəzlənməsi prinsipindədir.
"Kontrastlı su terapiyası" adlanan müalicə üsulu 20 dəqiqə müddətində isti duşun ardınca bir dəqiqəliyə soyuq duşa keçməyi və təkrar isti duşa qayıtmağı nəzərdə tutur.

Ekspertlər bildirirlər ki, bir neçə dəqiqə isti suyun altında vannada oturmaq dəridəki qan damarlarını "açır" və onun oksigenlə zənginləşməsinə imkan yaradır. Bunun ardınca bir dəqiqəliyə soyuq suya keçilməsi elə həmin damarları qəfil "bağlayır".

Ümumilikdə 20 dəqiqə ərzində davam etdirilən bu prosedur dəriyə yaxın damarlarda "sorğac" və ya "nasos" effekti yaradır və damarların ağ ciyərlərə oksigenlə zəngin daha çox qan aparmasını təmin edir.

Alimlər deyirlər ki, bu prosedurun əzələ ağrılarını azaltmaq da daxil, bir çox faydaları var, beləki idman hərəkətləri zamanı damarlar əzələlərə onların işlətdiyi qədər oksigen çatdıra bilmir. Buna cavab reaksiyası olaraq əzələlər süd turşusu deyilən maddə buraxır ki, bu da ağrı hissinin yaşanmasına və idmandan sonra bərpanın ləngiməsinə mane olur. Kontrastlı su terapiyası zamanı əzələlər məhz bu süd turşusundan azad olur.

Amsterdamdakı Akademik Tibb Mərkəzində aparılmış araşdırma isə göstərib ki, "istidən-soyuğa" gündəlik duş proseduru bütün soyuqdəymələrin qarşısını 30 faiz alır. Alimlər inanırlar ki, isti duşdan soyuq duşa keçilməsi zamanı orqanizmin xəstəliklərə qarşı döyüşən ağ qan hüceyrələrinin tətiklənmısi immun sistemini möhkəmləndirmiş olur.

Amma bu üsulun vasitəsilə dərinin daha cavan görünməsinə dair tapıntılar bir qədər mübahisəlidir. Dermatoloqlar bunun hələ isbata ehtiyacı olduğunu bildirirlər.

ABŞ-dakı Virginia Birlik Universitetinin alimləri isə bildirirlər ki, isti duşun altında 20 dəqiqə dayandıqdan sonra üç dəqiqəliyinə soyuq suya keçmək ruhi sağlamlıqla bağlı problemlərin kəskinliyini azaldır.

Видео 20 Dəqiqə Suda Saxlayın! - BÜTÜN AĞRILARINIZ YOX OLACAQ канала Bir Bax