Президент Жоғарғы кеңестің жиынын өткізіп, 2025 жылға дейінгі ел дамуының бағыты туралы талқылады

Бүгін Қасым-Жомарт Тоқаев өткен жылы 14 қыркүйекте өзі құрған реформалар жөніндегі Жоғарғы кеңестің жиынын өткізді. Кеңес мүшелері алдағы түрлі сын-қатерлерді ескеріп, ел дамуының бағыт-бағдарын кеңесті. Асқар Мәмин, Тимур Құлыбаев, Ерлан Қошанов секілді тұлғалар Президентпен бірге кешке дейін Қазақстанның алдағы 5 жылдық экономикалық, әлеуметтік және саяси дамуын талқылады. Қазір тікелей эфирде әріптесім Айбар Төлжанұлы айтып беруге дайын. Бүгін Президент өткізген жиында нақты қандай стратегиялық жоспарлар айтылды?
Осымен үшінші рет өткізілген кеңес бүгін ұзаққа созылды. Өйткені ел дамуының 2025 жылға дейінгі бірқатар жоспары талқыланды. Ел дамуының 2025 жылға дейінгі Ұлттық жоспарында айтылған агроөнеркәсіп пен цифрландыру, кәсіпкерлік пен бәсекелестікті дамытатын жобалар 1 шілдеге дейін бекітілуі тиіс. Оларды талқылау кезінде Үкімет қажеттілік болса білікті сарапшыларды ғана емес, қарапайым азаматтардың да ұсыныстарын ескеруге міндеттелді. Ұлттық жоспар 12 стратгеиялық бағыттан тұрады. Онда алдағы бес жылда ішкі жалпы өнімнің 35 проценті шағын және орта бизнестің үлесінде болатыны, негізгі капиталға тартылатын инвестицияның көлемі 30 процентке, шикізаттық емес экспорт 41 миллард теңгеге жететіні көрсетілген. Жоспармен танысқан Тоқаев ең бастысы дамыған мемлекеттің азаматтарындай қазақстандықтар да бәсекеге қабылетті өмір сүруі керектігін айтты.
Құжатты бекіту үшін біраз Заңнамалық Актілер мен кодекстерге өзгерістер енгізіледі. Сол үшін депутаттық корпус Ұлттық жоспардың бекітілуіне барлық заңнамаларды ұсынуы керек. Бүгін мемлекеттік басқарудың 2030 жылға дейінгі дамуы туралы Концепцияның жобасы да қаралды. Ол жобада мемлекет пен халық арасындағы қатынас және азаматтардың жайлы өмір сүруі үшін атқарылатын жұмыстар көрсетілген. Сондай-ақ, кеңес мүшелері бүгін 2021-2025 жылдарға арналған жекешелендірудің жоспарын талқылады. Онда жекеге өтетін мекемелердің саны 176-дан 736 ға дейін жететіні айтылды.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Президент #Жоғарғы_Кеңес

Видео Президент Жоғарғы кеңестің жиынын өткізіп, 2025 жылға дейінгі ел дамуының бағыты туралы талқылады канала Информбюро 31