Алматы облысында ауыл мәртебесін беруді талап еткен саяжай тұрғындары бас көтерді

Алматы облысы Еңбекшіқазақ ауданына қарасты "Қуат", "Алиит", "Қазгорбақша" саяжайларының жүздеген тұрғыны көшеге шығып аудан әкімінің келуін талап етті. Сөздерінше саяжайдағы барлық тұрғындардың саны он мың адамнан асып кеткен. Тұрғындарының саны қаладағы бір ықшам ауданға парапар болсақ та әлі күнге дейін неге ауыл статусын ала алмай жүрміз дейді жиналғандар. Елдімекеніміз ауыл қатарына енбейінше тоқтамаймыз деген тұрғындар тым құрыса мектеп пен емхана салып беруін талап етті. Өйткені үйдегі балалар көрші ауылға барып білім алса, өздері алыстағы қалаға барып емделуге мәжбүр. Жүздеген адам жиналса да аудан әкімі жұртпен жүздесуге келген жоқ.
Ел вирустың екінші толқынына қамданып жатқанда емханасыз отырмыз деген халық, денсаулықтары үшін қатты алаңдайды. Аяқ асты сыртқаттансақ, аудан-ауданды аралап әуреге түсетініміз тағы бар деп ашулы. Ол аздай көшесіз мекенге, әрең шақыртып алатын жедел-жәрдемнің өзі тауып келе алмайды дейді.
ШОЛПАН ТЕКЕСБАЕВА, тұрғын:
– Жаңашарда врачтар жоқ. Мен мысалы учетта тұратын адаммын. Біз даже больницаға уақытысымен екі рет жатуымыз керек, жата алмаймыз. Осы жерге тіркелгенбіз.
Қалаға қатынап қарекет жасайтын көпшіліктің, мәселесі бастан асып жатыр. Жиі өшетін жарығы мен жөнделмеген жолына жарты күнде бір жүретін ескі автобустары куә екен. Ал алыс аудандағы мектепке таң ата барып кеш келетін оқушылардың жолын, жарықсыз көшеде күзетіп тұрып күніміз өтеді дейді тұрғындар.
ТӨРЕХАН РЫМХАНҰЛЫ, тұрғын:
– Президент бізді қолға алып, осы халқым бар екен деп не болмаса ана әкімдерді жіберсін, әкімді халық сайлаған. Әкім халықтың жағдайын білу керек әрбір көшені аралау керек, көру керек.
Ал Жаңашар ауылдық округінің әкімі аталмыш мәселеден хабардар болғаныммен, ауыл мәртебесін беру менің құзырымда емес деп отыр. Өйткені бұл аумақтағы 136 саяжайдың әр қайсының өз алдына төрағасы бар дейді. Жеке коперативтік құрылым болғандықтан ішкі саясатына заң бойынша бас сұға алмаймыз деп отыр.
ЖАН БАУЫРЖАНҰЛЫ, Жаңашар ауылдық округінің әкімі:
– Біздің масссив бойынша 1500-1800 адам ғана округта ғана тұрады. Алдыңғы апта ғана бүкіл председательді шақыртқанмын. Бір-бірден сөйлесіп қандай проблема, не болып жатыр? Қандай түйткілді мәселе бар? Соны шешуге тыңдауға шақыртқанмын.
Алайда ел көргісі келген Еңбекшіқазақ ауданының әкімі Қуанышбек Қашқымбаев жиналған жұрттың алдына келмеді.Тек баспасөз хатшысы әкім есеп беріп жатыр деп қана сәлем айтты.
ӘЛІБЕК ШЫНТЕМІР, тілші:
– Ауыл статусын армандап жүрміз деген тұрғындар базынамыз билік басындағыларға жылдам жетсе екен дейді. Ал жергілікті әкімдік бұл мәселенің дәл қазір шешілуі екіталай екенін айтады. Себебі ауыл статусын алу үшін барлық құқықтық талаптар заң аясында қаралу керек дейді.
Әлібек Шынтемір, Ринат Абулхайров
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Алматы облысында ауыл мәртебесін беруді талап еткен саяжай тұрғындары бас көтерді канала Информбюро 31