Шымкенттік тұрғындар ақша жинауға құмар мектеп директорына қарсымыз деген талап қойды

Шымкентте №125 мектепте директордың үстінен тағы бір директор тағайындалған. Бір жыл бұрын сыбайластық бойынша үстінен іс қозғалған басшыны білім басқармасы күні кеше жылы орнына қайта жайғастырған. Осыны айтқан ата-аналар қайта келген директорге үзілді-кесілді қарсымыз дейді. Оқушылар мен мұғалімдерден сан сылтаумен ақша жинап, кәсіподақ қаражатын жымқырып, тонналап көмір сатты деп айыпталған директордың ісін сыбайлас жемқорлыққа қарсы қызмет әлі тергеп жатыр дейді көпшілік. Бірақ осыған қарамастан, аппеляциялық соттан ұтып шықтым деген басшы өз орнына қайта тағайындалғанын айтады.
Экс-директордың қайта тағайындалуына Қайнарбұлақ жұрты қарсы. Қит етсе оқушылар мен мұғалімдерден ақша жинауға құмар басшы бұған дейін тіпті, үздік шәкірттердің қызыл дипломын да саудаға салғанын айтады.
ҚҰРАЛБЕК ӘБІЛДАЕВ, ата-ана:
– 100 мың сұрады. Кейіннен мейлі, әйелің осы жерде істегеннен кейін по свойский 50 мың деді. Мен атамның басына берем ба директорға шынында. Оның мына жерден алып жатқаны аз ба еді?! Мейлі, мақұл деп қойдық. Қызыма берді, қызыл емес, көк диплом берді.
АЙЖАН ИЗАТУЛЛАЕВА, ата-ана:
– Мен өз құлағыммен есіткем, әшейін уборщицаның өзінен 150 мың теңге сұраған. И то директор өз кабинетінде тұрып, қопал әңгіме айтады, 150 мың теңгені маған бересің, и то маған ұнасаң істейсің. Маған ұнамасаң, бір теуіп қуамын дейді.
Мектепте ақша жинау, кәсіподақ қаржысын жымқыру, 600 тонна көмір сату сияқты дерекпен іс қозғалған экс- директордың тергелуі әлі аяқталмағанын айтады ата-аналар. Ал аппеляциядан ұтып шыққанын естіп, аң-таң болдық деп отыр.
АҚМАРАЛ ӨМІРЗАҚОВА, Қайнарбұлақ тұрғын алабының төрайымы:
– Если он оправдан, например, конкурсқа түссін, Қай жерде қандай мектеп бос, сол мектепке барсын! Здесь его никто уже не ждет!
Ата-аналар осы талабын жаңа басшыға жеткізбек болып, мектеп ішіне беттеді. Бірақ күзетшілер кедергі келтіруге тырысты.
Бұндай байбаламнан соң, жаңа басшы сыртқа шықты. Оның айтуынша, былтыр істі болып, артынша өз еркімен жұмыстан шығуға өтініш берген. Алайда, араға аз уақыт салып, директорлық қызметіне оралу үшін сотқа арызданыпты. Алғашқы сатыда талабы қанағаттандырылмаған ол, аппеляцияда ұтқанын айтады. Ал, қызметке алу үшін ақша сұрады, дипломды саудаға салды деген ақпараттар жалған дейді.
ӘСЕТ САТЫБАЛДИЕВ, №125 мектептің директоры:
- Иә, мен өз өтінішімді жазғаным рас! Одан кейін мен өз өтінішімді қайтадан қайтарып алуға арнайы хат жазып тастадым. Ол хатты алдым. Сөйтіп, құзырлы органдарға жолдадым. Міне, соттан кеше 2-сі күні жеңіп шықтым.
ЖАНАТ ТӘЖИЕВА, Шымкент қалалық білім басқармасының басшысы:
– Соны біз де түсінбейміз. Өз еркімен арыз жазып алып, иә, енді, соттан сұрасаңызшы осыны енді.
Енді білім басқармасы жаңа директордың үстінен кассациялық шағым түсіргенін айтады. Бір қызығы, бұған дейін 6 ай басқарған директор де жұмыстан босату бұйрығына қол қоймастан, еңбекке жарамсыз деп танылып, емделуге кетіпті.
Мақсат Жақсыбайұлы, Абай Қожагелдиев

#жемқорлық #БҒМ #директордың_ісі
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Шымкенттік тұрғындар ақша жинауға құмар мектеп директорына қарсымыз деген талап қойды канала Информбюро 31