Арықтатын дәрі ішкен 30 жастағы әйел жансақтау бөлімінен бір-ақ шықты

Ал арықтатын дәрі ішкен Ақтау тұрғыны жансақтау бөлімінен бір-ақ шықты. Жағдайы күрт нашарлаған 30 жастағы Ақмарал ақ халаттылардың көмегінен кейін аман қалған. Дәрігерлер науқас ішкен препараттың құрамында жүрек-қантамыр жүйесіне кері әсер ететін қоспаның бар екенін анықтаған. Медицина мамандары артық салмақтан арылудың өзге жолдары көп дейді. Сондықтан күмәнді дәрілерді ішпеуге кеңес береді. Толығырақ өңірдегі әріптесім Махаббат Нұржанқызы айтып берсін.
Артық салмақтан жылдам арылмақ болған 30 жастағы Ақмарал Жаңа жыл мерекесінің алдында дәрі ішуді ұйғарыпты. Бірақ "молекула" атты препаратты тұтынған соң әйелдің жағдайы күрт нашарлап, ауруханаға түскен.
МЕЙРАМГҮЛ КЕНЖЕБАЕВА, Ақмаралдың анасы:
– Жүрек соғуы жиі болды және мұздай тер басты. Әуелі басы ауырды. Негізі біз жедел жәрдем шақырғанбыз үйге. Келді қарады да, алмай кетіп қалды. Біз өз машинамызға салып алып келгенде бізге айтты соңғы ресурсты алып келіпсіз деп. Келгеніне бір 8 мин өтпей реанимировать етті баланы.
Дәрігерлер науқастың жүрегі жиырылып, соғуы жиілегенін айтады. Тіпті, ағзасының маңызды мүшесі бес минутқа тоқтап, әйел жасанды жүрек-өкпе құрылғысымен он бір күн жансақтау бөлімінде жатқан. Бір айға жуық уақыт ем қабылдаған Ақмаралдың денсаулығы қазір жақсарды дейді ақ халаттылар.
ӘБУНАСЫР СУХАНОВ, Маңғыстау облыстық көпбейінді ауруханасының дәрігері:
– Молекула деген дәріні ішкенін байқадық. Біз бұл дәріні экспертизаға жіберіп, дәрінің құрамында сибутрамин деген зиянды зат бар екенін анықтадық. Бұл сибутрамин деген зат жүрек-қан тамыр жүйесіне кері әсерін тигізеді екен. Яғни жүректің әлсіздігіне әкеледі екен. Мұндай жағдай әрине өте сирек кездеседі.
Жалпы, Ақмаралдың салмағы 70 келіден асады. Алайда салмағына көңілі толмаған тұрғын арықтаудың өзге жолдарын да қарастырып көрген. Нәтиже болмаған соң дәрі ішкен көрінеді. Мамандар дәрігердің нұсқауынсыз күмәнді препараттарды тұтынбауға кеңес береді. Себебі, мұндай жағдайлардың соңы қайғылы аяқталуы мүмкін деп отыр.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал

Видео Арықтатын дәрі ішкен 30 жастағы әйел жансақтау бөлімінен бір-ақ шықты канала Информбюро 31