Бет-ауыз ісіп, құлақтан қан кетті! Пластикалық отаның арты өлімге әкеле жаздады

Көкшетауда 50-ден асқан келіншек сұлулық салонына барып, өлім құша жаздады. Әйел пластикалық отадан соң бет терісін жақсарту үшін дәрі салған. Бірақ содан кейін бет-аузы ісіп, құлағынан қан кетіп ауруханадан бір-ақ шығыпты. Маманның салғырттығынан денсаулығына зиян келген жәбірленуші полицияға арыз жазып, кінәлілердің жауапқа тартылуын талап етеді.
Оксана Данилова ешкімнен таяқ жемеген. Бұл сұлулық салонынан кейінгі әйелдің бет-жүзі. Көзі қанталап, беті көгеріп кеткен келіншек алдымен пластикалық ота жасатқанын айтады. Сосын хирург бет терісін жақсарту үшін дәрі салғызуға кеңес беріпті. Осылайша, плазмолифтинг жасатқан әйелдің құлағынан қан кетіп, ауруханадан бір-ақ шыққан.
ОКСАНА ДАНИЛОВА, Көкшетау қаласының тұрғыны:
– Мен косметологтарға бұған дейін пластикалық операция жасатқанымды, дәрігерімнің ұсынысымен келгенімді алдын ала ескерттім. Олар ешқандай қарсы көрсетулер барын айтпады. Тіпті өзіме қосымша процедуралар ұсынды. Олардан бас тарттым. Дәрі салды бетіме. Сосын жағдайым ушығып кетті. Сол жерде маған ешкім көмек көрсете алмады.
Осы сұлулық салонына да хабарласып көрдік. Олар Оксананың сөзін жоққа шығарғанымен, сұхбат бермеді. Ең сорақысы, осындай салондағылардың көбінде медициналық білімі мен заңды лицензиясы жоқ дейді медициналық-фармацевтикалық бақылау департаментінің өкілдері. Бірақ шағын кәсіп болғандықтан, оларды ешкім тексермейді.
БИБІГҮЛ ИМАНҚҰЛОВА, Ақмола облыстық медициналық-фармацевтикалық бақылау департаментінің жетекшісі:
– Косметологиялық салондарды шағын кәсіп болғандықтан заңды түрде еш себепсіз тексере алмадық. Қазіргі уақытта егер тұтынушы тарабынан арыз түссе, тексеруге құқығымыз бар. Медициналық қызмет үлгілерін көрсететін сұлулық салонындағылардың дәрігерлік білімі, аталған қызметті көрсетуге рұқсат беретін медициналық лицензиялары болуы керек.
Оксана полицияға да жүгінген. Алайда істі дәлелдеуге сараптама керек деген соң әр мекеменің табалдырығын тоздырып жүр. Ал медициналық-фармацевтикалық бақылау департаменті е-өтініш арқылы шағым түсіруге болатындығын айтады. Тексеріс кезінде лицензиясы болмаса, сұлулық салонындағыларға айыппұл салынады екен. Полиция жауапты комитеттің өкілдері келіншектің денсаулығына зиян келтірілгенін анықтаса бірден іс қозғалып, тергеу басталатынын жеткізді.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал

Видео Бет-ауыз ісіп, құлақтан қан кетті! Пластикалық отаның арты өлімге әкеле жаздады канала Информбюро 31