«Баспана үшін өз қыздарымнан таяқ жедім» деген шымкенттік әжейдің жанайқайы

Ел ішінде отбасылық зорлық-зомбылықтың небір түрі бар. Мәселен, «баспана үшін өз қыздарымнан таяқ жедім» деген шымкенттік Алтынкүл апа күйеу баласының үйді алмақ болғанына наразы. Бір жылдары қолында тұрған кіші қызы мен күйеу баласы өзінен баспанасын алдап сатып алғанын айтады. Оған енді басқа қыздары да қосылып, күн көрсетпейтін болды деп отыр. Тіпті, тепкінің астында қалып, қолымды сындырды деген апаның бейнежазбасы желіні шарлап кеткен.
Бүгін сол бейне жазбаны түсірген Зағипа есімді қызы мен қорғаушысы жағдайға қатысты түсінік берді. Күйеуі тірі кезінде бірлесіп тұрғызған баспанаға ешкімнің таласы болмауы керек дейді апа. Алдау жолымен үй кіші қызға өтті деп отыр. Қызы өмірден өткеніне алты ай өтісімен, күйеу баласы мұрагер атанған. Енді басқа екі қызы күйеу балаларымен қосылып, үйді тартып алу мақсатында өзін азапқа салып, әбден ұрып-соққанын айтады.
АЛТЫНКҮЛ АСҚАРОВА, Жәбір көрдім деген апа:
– Ержан қатты сүйреді. Ана біреу бала болса, жаңағы Мырзабай, ол да жанымда жүр ғой. Ол да бір жағына қарай сүйреп жатыр. Мен бүйтіп еңкейіп жатырмын. Сүйреп жатыр. Бір кезде ана екі қыз мені теуіп жатыр. Еңкейсем, шашымнан тартып жұлып жатыр Нағима. Не істейін, төртеуі жабылса?!
Апаның ерікті түрде үйді сатып алу келісім шартына қол қойғаны барлық сот сатысында ұтылуына әкеп соқты деді қорғаушы. Үйдің құны 10 миллион теңгені апа алмадым деп отыр. Ұрып- соғу дерегіне қатысты Абай аудандық полиция бөлімі тергеп-тексеруде екен. Заң жүзінде сегізден бір үлесі бар меншік иесі ретінде апа сол үйдемін деді. Ал ұрды деген Бағила мен Нағима болса, өз анамызға қол көтеретіндей ақылымыздан алжасқан жоқпыз. Баспанаға титтей де иек артпаймыз, тіпті ондай ойымыз да жоқ. Мұның барлығы Зағипа сіңіліміздің қолдан жасап жүрген дауы ғана деп отыр.
БАҒИЛА АСҚАРОВА, Алтынкүл Асқарованың қызы:
– Заң бойынша жазып берді ғой өзі. Сатып алды. Біздің ол үйге ешқандай қатысымыз да жоқ. Ол үйге таласымыз да жоқ. Ол күйеу балаға өтіп кеткен үй. Ешқандай анамызға тиген де жоқпыз. Қолымыздың ұшы да тиген жоқ. Біріміз де барып жатырмыз. Ағам да барды. Кіргізбейді. Оны қуып шықты жаңа Зағипа. Әпкем барды оны қуып шықты. Біз бардық, бізді де қуды. Ұрып жатыр, соғып жатыр деп өтірік бізге жала жабады.
Сондай-ақ, әпкелері сіңлісі Зағипа соттың бар сатысында болғанын, шығынға батқанын айтып, әрқайсымыздан төрт миллионнан талап етті дейді. Бізде мұндай қомақты қаржы жоқ, бере алмаймыз дегендерін айтады. Алайда артынша-ақ, біздерді үйге таласып, анамызды ұрып-соқты деген қитұрқы әрекеттер легі басталып кетті деп отыр.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео «Баспана үшін өз қыздарымнан таяқ жедім» деген шымкенттік әжейдің жанайқайы канала Информбюро 31