«Нан алатын ақшамыз жоқ». Атырауда әділдік іздеген жұмысшылар айқайға басты

Атырауда Қаратабан кен орнында газ-химия зауытының құрылысын салып жатқан Gruppo RF Kazakhstan компаниясына қатысты шу шықты. Компания еңбек заңнамаларын ескермей отыр деген жұмысшылар айлап ақша алмағандарын айтады. Тіпті сөздерінше, кей қызметкерлерін еш ескертусіз жұмыстан шығарған. Кеңсенің есігін күзетіп жүргендер «бала-шағамызға нан алатын ақшамыз қалмады» деп ашынады.
ЖАНАР АЙҚЫНҚҰЛОВА, жұмысшы:
– Жолдасым да осы компанияда жасайды. Осы ақшаға қарап отырмыз ғой. Шыны керек нан алатын ақша болмай отыр. Бәрі сондай жағдайда.
ӘДІЛЕТ ЖОЛДЫҒҰЛОВ, жұмысшы:
– Заң жүзінде талап еттік. Күнде айтатыны өтірік. Ақша түспей жатыр дейді. Күнде келеміз офисқа. Таңертең, кешке... Жұмысты талап етеді, жұмыс жасатады. Лақтырып тастайды.
Наразы топқа келген компания өкілдері жарытып жауап бермеді. Ал еңбек инспекторларының сөзінше мораторийге сай шағын кәсіпкерлерге тексеру жұмыстарын жүргізуге мүмкіндік болмаған. Бірақ жергілікті әкімдіктің нұсқаулығымен тексеріс басталды дейді. Айта кету керек, Gruppo RF Kazakhstan Қаратабан кен орында газ-химия зауытының құрылысын салып жатқан "Базис А" компаниясының мердігері.
ДУМАН АБИЛОВ, Атырау облыстық мемлекеттік еңбек инспекциясы басшысының орындасары:
– Бүгін тексеріс ашудамыз. Мән-жайды білеміз. Еңбек заңы бұзылған жағдайда нұсқама беріледі. Бүгіннен бастап компанияда тексерісті анықтаймыз.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео «Нан алатын ақшамыз жоқ». Атырауда әділдік іздеген жұмысшылар айқайға басты канала Информбюро 31