Кремль сынаушысы Алексей Навальный Ресейде тұтқындалды

Жүздеген полиция, арнайы жасақ. Мыңдаған күтіп алушы. Уланып қалғаннан кейін ұзақ уақыт Германияда емделіп кеше Берлиннен Ресейге қайта оралған белгілі оппозиционер Алексей Навальныйды Мәскеу осылай күтіп алды. Саясаткер отырған ұшақ о баста Внуково әуежайына қонуы керек еді, бірақ ресми мәліметке сенсек техникалық себептерге байланысты бағытын ауыстырып Шереметьевоға қонды.
Кремльдің cаясатын оңдырмай сынап келген "Коррупциямен күрес қорының" негізін қалаушы Алексей Навальный тамыздың ортасынан бері Германияның "Шарите" клиникасында ұзақ уақыт ем қабылдады. Неміс мамандары мен батыстық зерттеу орталықтары Навальныйдың уланғанын дәлелдеп берген еді. Енді міне сырқатынан толық айыққан Навальный жары Юлиямен бірге "Победа" әуекомпаниясының ұшағымен Мәскеуге бет алды.
ЮЛИЯ НАВАЛЬНАЯ, Алексей Навальныйдың жары:
– "Мальчик, водочки нам принеси. Мы домой летим".
Неміс үкіметі Навальныйдың аяғын жерге тигізген жоқ. Саясаткерді тағы да улап кетпесін деп сақтанды ма оппозиционер ұшаққа дейін арнайы көлікпен жеткізілді
Саясаткер Ресей билігі өзін қамамайды дегенге соңына дейін сенгенгісі келген сияқты. Навальныйдың жақтастары да, құзырлы органдар да оны қарсы алуға айырықша дайындалған екен. Внуково әуежайында ине шаншар орын жоқ. Полиция Навальныйды күтіп алуға келген 70 ке жуық белсендіні қамауға алды. Ақыры Внуково әуежайына қонады деген ұшақ Шереметьеводан бірақ шықты. Навальныйды полиция қызметкерлері паспорттық бақылау бекетінен ұстап әкетті.
АЛЕКСЕЙ НАВАЛЬНЫЙ, Саясаткер:
– Бұл менің таңдауым деп айта алмаймын. Елге оралу, оралмау деген мәселе болған емес. Бірақ осында қалай күресу керектігін түсіндік. Бұл тек ұрылардың емес, ештеңе қауқарсыз бос әурешілікпен айналысатындардың билігі.
Навальный Ресейге оралатынын мәлімдегеннен соң Федералдық қылмыстық-атқару қызметі оның «Ив Роше ісі» бойынша шартты жазасын нақты жазамен алмастыратындарын жеткізді. Ал сот бұлтартпау шарасы туралы шешім шығарғанға дейін оппозиционер қамауда болады. Ресейдің бұл қадамына халықаралық қауымдастықтар наразылық білдіріп дереу Навальныйды босатуға шақырып жатыр.
Ерқанат Көпжасар
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Кремль сынаушысы Алексей Навальный Ресейде тұтқындалды канала Информбюро 31