Маңғыстау облысында газ құю бекеттерінде тоқырау қайта басталды

Маңғыстау облысында газ құю бекеттерінде тоқырау қайта басталды. Облыс орталығы Ақтаудың өзінде әр бекетте кезекке тұрған көлік көп. Тіпті газ өңдейтін зауыты бар Жаңаөзеннің халқы да сұйытылған газға ұзын-сонар кезекке тұрып, әрең қол жетізіп жатыр. Ал энергетика басқармасының мамандары Атырау облысынан бөлінетін газ келмей қалғандықтан тапшылық туындағанын мойындап отыр.
МАХАББАТ НҰРЖАНҚЫЗЫ, тілші
– Маңғыстау облысында сұйытылған газ тағы да тапшы. Қазір өңірде газдың бағасы 65 теңгеден 80 теңгеге дейін барады. Көлік жүргізушілерінің айтуынша қазір көп бекетте газ мүлде жоқ немесе талонмен ғана сатылады. Сондықтан, осылай кезекке тұруға мәжбүр. Ал дәл қазір біз тұрған бекеттің өзінде жүзге жуық көлік кезекте тұр.
СИСЕНБАЙ ҚҰТЫШЕВ, жүргізуші:
– Басқа жақтарда газ жоқ, бермейді. Осымен үшінші жерге барып тұрмын. Очередь тек осындай.
ТАЛҒАТ ҒАНИБАЕВ, жүргізуші:
– Газды бір ценаға қойып, газ барлық жерде берілу керек қой негізі. Именно Маңғыстау бойынша мұндай газ жоқтығы дұрыс емес деп ойлаймын енді.
Бүгін Ақтау қаласының өзіне Жаңаөзендегі газ өңдеу зауытынан 200 тоннадан аса дайын өнім жеткізіліп, он жеті газ құю бекетіне үлестіріліп жатыр. Кәсіпкерлер болса бұл газдың да бір-екі күнде таусылатынын айтады.
БАУЫРЖАН ЕРПАН, Маңғыстау облыстық Энергетика басқармасының сұйытылған мұнай газы бойынша маманы
– Негізгі себебі жетпей жатқан шыныменде «Атырау Мұнай газдан» әкелетін екі мың, үш мың тонна келіп тұратын еді. Жөндеу жұмыстарында тұрғанына орай бізде тапшылық байқалып жатыр. Оған қоса, автокөліктердің сұйытылған мұнай газын отын ретінде пайдаланатын көлемі де көбейіп жатыр.
Энергетика басқармасының мәліметінше облыста тоқсан төрт мың көлік газбен жүреді. Ал тұрғындар газ шығарып отырған Жаңаөзенде де ахуалдың ушығып бара жатқанын айтады. Әлеуметтік желіде тараған бейнежазбаларда ел сұйытылған газ да, жанармай да таппай жүргендерін айтып жатыр.
Махаббат Нұржанқызы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Маңғыстау #газ_тапшылығы

Видео Маңғыстау облысында газ құю бекеттерінде тоқырау қайта басталды канала Информбюро 31