Солтүстік Қазақстанда бруцеллез жұқтырған малдардың саны көбейіп барады

Солтүстік Қазақстан облысында бруцеллез жұқтырған малдардың саны көбейіп барады. Қазірдің өзінде бес жүзге жуық ірі қарадан сарып ауруы анықталған. Ал тұрғындар сиырлары үшін берілетін өтемақы мардымсыз дейді.
Ірі қарадан бруцеллез табылып, бір күннің ішінде қорадағы бүкіл малынан айырылғандардың бірі - Саят Сәдуақасов. Мал дәрігерлері оның бес сиырынан сарып ауруын анықтапты. Енді ауру малдың бәрі тәркіленіп, қорасы босап қалған. Күнкөріс үшін асыраған малдан айырылған ол, мал дәрігерлері ауру ошағын анықтай алмай келеді дейді. Сол үшін бұл жағдай жылда қайталанатынын айтады.
САЯТ СӘДУАҚАСОВ, Шаховской ауылының тұрғыны:
– Қазір сатып алам, ертең келеді де, ауру дейді тағы алып кетеді. Бітті. Не стоит даже заниматься. Мен он бес жыл айналыстым. Енді нәтижесі міне.
РУСЛАН ЖАСҰЛАНҰЛЫ, тілші:
– Бір ғана Шаховскойда 15 сиырдан бруцеллез анықталыпты. Дәл қазір сол ауру малды жүк көлігіне тиеп әкетіп жатыр. Енді оны ет комбинатына тапсырмақшы.
Тіпті тұрғындардың кейбірі қорадағы жалғыз сиырын тапсырып жатыр. Енді ауылда жан бағып, өмір сүру қиындайды дейді. Себебі індет жұқтырған малға өтемақы ретінде жарты бағасы ғана төленеді. Бұл барып тұрған бассыздық дейді халық.
ЖАНАЙДАР ГАЛИКОВ, Шаховской ауылының тұрғыны:
– Тапсырамын арзанға. И все на этом. Хватит. Жатамыз енді. Вообще арзанға кетіп жатыр. 1000 теңге дей ме или даже 700 килограм. Соған әкетіп жатыр.
Қызылжар ауданында биыл 103 ірі қарадан сарып ауруы анықталып, тәркіленіпті. Шаховскойдан бөлек, Плоское, Михаиловка ауылдарында бруцеллездің таралуына байланысты карантиндік шектеулер енгізілген. Ал мамандар биыл мал ауруының бұл түрі он есеге көбейді деп дабыл қағуда.
ЕРБОЛ БАГЕНОВ, Қызылжар ауданы ветеринарлық станциясының директоры:
– Қыста түсік тастаған. Бұл тяжелый форма. Ол уже говорит бруцеллездің қызып тұрғаны. По лабораторным анализам 400 и выше.
Облыстың он ауданы мен Петропавл қаласында 412 бас ірі қара малдан бруцеллез анықталған. Әсіресе, Есіл, Қызылжар, Уәлиханов аудандарында індет дендеп тұр дейді мамандар. Қазір бүкіл облыс аумағында ірі қара малдарды тексеру жұмыстары басталған.
Руслан Жасұланұлы, Азамат Елубаев
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#бруцеллез #мал_ауруы #індет

Видео Солтүстік Қазақстанда бруцеллез жұқтырған малдардың саны көбейіп барады канала Информбюро 31