NICHE DIMOVSKI - MAKEDONSKA MOLITVA

МАКЕДОНСКА МОЛИТВА!

Господе, премили Боже Кој си на небото,
ги гледаш ли макиве наши македонски,
го слушаш ли плачот на нашите мајки, татковци, браќа, сестри и дацава наши, за чедата загинати за Македонија?!

Илјадници години крвариме,
раните живи на неродените чеда им ги оставаме.
Господе, Ти единствен Кој си на небото,
само Ти ја гледаш нашава мајка на четири страни распната
како Синот Божји.
Каде и да појдеш, на гроб газиш и од коски се сопнуваш.
Господе, кажи ни сега, раскажи ни ја Вистината нам и на светот!
Зошто Свети Никола на сон ми дојде и ми рече:
„И јас сум од земјата на љубовта и добрината,
и јас сум Македонец.
И јас проронив крвава солза во котелот на болката наша,
но вистината кај Севишниот е – прашај го Него и ќе Ти ја каже,
затоа што дојдено е времето наше македонско“.

Господе, само ти знаеш дека постојат две вистини,
но само една е Правината.
Илјадници книги по целиот свет соседите наши поделија,
со лажна историја и искривена вистина за Македонија.
Господе, само ти ја знаеш нашата Правина вистинска:
кои сме, од каде сме и зошто Македонци сме...
И на Свети Апостол Павле на сон му дојде Македонец и му рече:
„Дојди кај нас во Македонија и помогни ни“.
И Свети Апостол Павле ја послуша молитвата
и најпрво кај нас, Македонците, дојде.
И сега овде, две илјади години само во Тебе веруваме
и во две илјади цркви и манастири се молиме
и од вечноста Тебе Те чекаме.
Веќе и не паметам, но знам –
Јас, Македон од Говрлево,
осум илјади години „сал со Бога сум“
и пред најголемиот крст во светот се молам.
Ти, единствен Господе, премили Боже кој си на небото,
послушај ја молитвава наша, дојди во Армагедон,
подај ни рака и кажи ја вистината за злото и добрината,
нам и на целиот свет,
затоа што крв во нас веќе не остана
за Големата Мајка Македонија...

Makedonska Molitva - avtor Niche Dimovski
Macedonian Prayer - By Niche Dimovski

Видео NICHE DIMOVSKI - MAKEDONSKA MOLITVA канала Niche Dimovski