NAJGOLEMATA VISTINSKA TAJNA NA SVETOT - Niche Dimovski - Audio kniga - 3 del

„Енергијата е основа на животот на нашата планета. Таа никогаш не се губи, туку само ја менува формата.
Еволуцијата потврдува дека развојот на севкупниот органски свет создаден на Земјата е под дејство на сончевата енергија, преку нејзините честички – фотоните. Нашата планета и сиот жив свет на неа, не би можеле да постојат без енергијата што ни ја дава Сонцето. Ние сме дел од таа бесконечна енергија што Сонцето подеднакво ја дава на сите, како безгранична љубов, без да ги одвојува добрите од лошите. Големиот проток на сончева енергија во телото го доведува човекот во состојба да зрачи со внатрешна енергија.
Водата е еден од основните елементи од кој е изграден светот и животот што опстојува на него. Водата има свои вибрации, енергија и меморија. Познато е дека енергијата најдобро се пренесува преку водата. Според некои научници, водата создава 2 милијарди вибрации во секунда и таа е во постојано движење - од моментот на влегување во организмот, сè до моментот на излегување од него. Сè што постои во природата, поседува одредени вибрации, кои лесно се пренесуваат на други тела. Тие вибрации се позитивни или негативни, во зависност од тоа дали се упатуваат добри или лоши мисли.
Телото на човекот поседува огромна енергија со којашто зрачи. Во зависност од тоа како е „наелектризирано“ телото, тоа зрачи позитивно или негативно. Телото е совршен механизам на безгранична енергија. Моќта на човекот оди дотаму што со својот мозок може да создаде нанохемија што ќе ја почувствува секој атом во телото. Ова се случува и во позитивна и во негативна смисла.
Одземањето или крадењето енергија може да се случи секому и секаде, само доколку тој го дозволи тоа. Ако дозволите туѓите мисли и постапки да ве налутат, да навлезат во вашите мисли и да се запишат на вашата лента на меморија, тогаш сигурно ќе ви биде украдена енергијата. Секој кој „краде“ енергија од другите, тоа го прави за да го надомести недостатокот на енергија во себе.
Наједноставен начин да се заштитите од луѓето кои сакаат да ви ја украдат енергијата е да не дозволите тие да ве налутат и да ви ги наметнат своите мисли и постапки, а тоа треба со љубов да им го дадете до знаење.“

Ова е третиот од деветнаесетте дела во аудио формат од книгата „НАЈГОЛЕМАТА ВИСТИНСКА ТАЈНА НА СВЕТОТ“. Извадокот е од 38 до 56 страница.
Сега имате можност да ја слушнете и првата книга на авторот Ниче Димовски - „НАЈГОЛЕМАТА ВИСТИНСКА ТАЈНА НА СВЕТОТ“ во аудио верзија, целосно бесплатно.
„НАЈГОЛЕМАТА ВИСТИНСКА ТАЈНА НА СВЕТОТ“ - најчитаната книга во последните 60-ет години од македонски автор во Македонија, претставува практичен водич низ животот, во која со секое препрочитување ќе откривате нешто ново и ќе можете да го примените како ваше животно искуство. Примената на техниките застапени во неа ќе ве доближат до хармонија на психичкото и физичкото во вас.
Книгава ќе биде вашето најубаво патување и од него ќе го научите сето она што досега ви било непознато или немало кој да ви го каже.
Авторот Ниче Димовски ја подарува во аудио формат и оваа своја книга, која исто така беше иницирана од читателите, со цел книгите да допрат до што повеќе луѓе, но и како олеснување за сите оние кои имаат проблеми со видот, а сакаат да уживаат во пишаниот збор.
Сето она што го има истражувано повеќе од 30 години и за кое вложил многу години напорна работа, а со цел секој да може да го научи и примени, Ниче Димовски во целост го открива во своите книги, кои од сѐ срце ги подарува на сите оние кои имаат желба да си го променат животот на подобро, а привилегијата прв да го направи тоа, ја има македонскиот народ.

Видео NAJGOLEMATA VISTINSKA TAJNA NA SVETOT - Niche Dimovski - Audio kniga - 3 del канала Niche Dimovski