Ў небе хмарка супіцца... (В небе туча хмурится) Калыханка для дзяцей па-беларуску (субцітры)

Сьпяваю так, як мне яе сьпявала мая мама...
Можа гэты нечаканы пераклад стане пачаткам новае рубрыкі дзіцячых песень па-беларуску "Для нашых і вашых дзяцей".

#калыханка #пабеларуску #внебетучахмурится

Пазначыў гэтае відэа як зьмесьціва для дзяцей: ніякае рэклямы, і Youtube нават адключыў каментары. Бадай, каб дзецям нічога не замінала спакойна засынаць :)

Інфармацыя для дарослых: падтрымаць і аддзячыць можна праз https://www.donationalerts.com/r/prostymi_slovami ці PayPal: https://paypal.me/prostymislovami
Атрымаць доступ да дадатковых матэрыялаў: https://boosty.to/prostymislovami
Стаць патронам: https://www.patreon.com/prostymislovami

Словы: Сяргей Казлоў
Музыка: Уладзімір Шаінскі
Пераклад на беларускую: Кірыл Данько

Ў небе хмарка супіцца, супіцца, супіцца:
Хутка лясьне гром, хутка лясьне гром.
Пойдзе дождж па вуліцах, вуліцах, вуліцах
З жэсьцяным вядром, з жэсьцяным вядром.

Загрымяць па донышку, донышку, донышку
Кропелькі вады, кропелькі вады.
Кветкі свае горлышкі, горлышкі, горлышкі
Выцягнуць тады, выцягнуць тады.

Туркаўкаю, івалгай, івалгай, івалгай
Ганак запяе, ганак запяе.
Ў кошыка што з вербачкі, вербачкі, вербачкі
Тварык узмакрэў, тварык узмакрэў.

Сонца сьлёзы высушыць, высушыць, высушыць -
Ззяй далечыня, ззяй далечыня.
У сукенцы вышытай, вышытай, вышытай
Вернецца вясна, вернецца вясна.

А як прыйдуць прыцемкі, прыцемкі, прыцемкі
Заканчэньнем дня, заканчэньнем дня,
Апрануўшы боцікі, боцікі, боцікі,
Прыйдзе цішыня, прыйдзе цішыня.

І тады пад лесьвіцай, лесьвіцай, лесьвіцай
Ўключыць кот ліхтар, ўключыць кот ліхтар.
Мне шкада, што ў песенькі, ў песенькі, ў песенькі
Болей слоў няма, болей слоў няма.

Видео Ў небе хмарка супіцца... (В небе туча хмурится) Калыханка для дзяцей па-беларуску (субцітры) канала Простымі Словамі