ШҰҒЫЛ! НАЗАРБАЕВТЫҢ КРЫШАСЫ ТАБЫЛДЫ/ПУТИН ӨЛМЕЙ ТЫНЫШТЫҚ ЖОҚ!

Бәріңіжге ассалаумалейкум

Елбасы биліктен қашан кетед. Бүкіл диктаторларды басқарып отырған кім? Әкесінің өлгені үшін бүкіл шенеуніктің шашын тақырбас қылып алып тастаған басшы туралы естіп пе едіңіз? Орталық Азияға демократия қашан орнайды? Бұл сұрақтардың жауабын сізге Көрген дұрыс!
Бүгінгі видеоны соңына дейін көріңіздер. Назарбаевтың неге биліктен кетпей отырғанын толыққанды түсінесіздер. Жалпы жиіркенішті диктатураның артында кім тұрғанын білетін боласыздар.

Биліктің ұшар басына жетіп, ондаған жыл бойы тізгінді ешкімге бермеген басшылар жетерлік. Өзін «құдай» сезініп алған басшылар халықтың әбден зығырданын қайнатып, ақыр аяғында биліктен абыройсыз қуылып жатады. Сондай-ақ билікте ұзақ отырған кейбір басшылардың ажалы кенеттен келіп, жұрт арасында әртүрлі әңгімелерге себепкер болады.
Биліктен абыройсыз қуылған басшылар туралы айтқанда Ливия басшысы Муаммар Кадафи еске түседі. Елін 1969 жылдан 2011 жылға дейін яғни 42 жыл басқарған адам туралы қоғамда әртүрлі пікірлер бар. Көпшілік азаматтар Ливия еліне жасаған көл-көсір жақсылығын айтып, «Халық оның жақсылығын түсінбеді» деп жатады.
Әйтсе де, мың жерден халыққа жақсылық жасағаныңмен биліктен шамадан тыс көп отыру, оның жасаған жақсылығын жуып-шайып кетеді екен. Сондықтан да «Жақсылық жасадым екен» деп билікте ұзақ отыру тағдырыңыздың аянышты аяқталатынын аңғартады.
Муаммар Кадафидің өліміне байланысты «Оны ұйымдастырған шет мемлекеттер ғой» деп әртүрлі мысалдар айтуыңыз мүмкін. Бірақ билікте 10-15 жыл отырып, орнын лайықты азаматқа тастап кеткенде, Кадафидің өлімі ит өліммен аяқталмас еді.

Грузияда Саакашвили билікке келді
Енді Таяу Шығыстан өзімізге таныс ТМД елдеріне назар аударайық. Бұрынғы Кеңес үкіметі құрамындағы елдердің ішінде ең алғаш 2003 жылы Грузияда «Раушан төңкерісі» болды. Билікке 1995 жылы келген Эдуард Шеварднадзеден халық 8 жылдан кейін жерініп, оны төңкеріп тастады. Билікке жас, әрі батысшыл бағытты ұстанатын Михаил Саакашвили келді. Саакашвили халықтың көңілінен шығып, елді жемқорлықтан тазартып, Грузияны әлемнің озық елдерінің қатарына қосты.
Қазіргі таңда Грузия билік уақыты ауысып отыратын демократиялы елге айналды. Алайда демократияның қас жауы – «Кремльдің» араласуымен Грузия Оңтүстік Осетия мен Абхазиядан айырылып қалды.
Виктор Янукович қалай биліктен қуылды?
Грузиядағы «Раушан төңкерісінен» кейін екі жыл өткен соң 2004 жылы Ресейдің көршісі Украинада қызғылт-сары революция болды. Төңкерістің тұтануына Виктор Ющенконы президенттік сайлауда ресейшіл көзқарастағы Виктор Януковичтің «жеңіп» кетуі болды. Алайда халық сайлаудың әділетсіз өткенін айтып, екінші тур ұйымдастыруды талап етті. Екінші турда Виктор Ющенко жеңіске жетіп, Виктор Янукович қапыда қалды.
Алайда ол 2010 жылы өткен сайлауда жеңіске жетіп, елді 4 жыл басқарды. Ресейшіл көзқарастағы Виктор Янукович Укриананы Еуропа Одақпен жақындастыратын құжатқа қол қоюдан бас тартқан соң елде Еуромайдан басталды. Киевтегі тәуелсіздік алаңында қанды оқиға салдарынан 100-ден астам адам қаза тапты. Осы жағдайдан кейін президент наразы топтардан жасырынып, өзінің жақтастарымен Ресейге қашты.
Виктор Януковичтен кейін билікке келген Петр Порошенко Украинаны Ресейдің ықпалынан арылтып, Еуропаға бет түзеді. Алайда демократиялы ел болудың өтемі ретінде Украина Қырым, Донецк және Луганск облыстарынан айырылды. Қазіргі таңда елді 42 жастағы Владимир Зеленский басқарып отыр. Украина демократиялық үрдіске бет алды. Ал енді Орталық Азияға бет түзейік.
Қырғызстанда Ақаевтан кейін Бәкиев елден қашты
1990 жылы билікке келген Асқар Ақаевтың түбіне 2005 жылғы «Қызғалдақ төңкерісі» жетті. Балаларын депутат еткен академиктің әрекетіне халық наразы болып, президентті тақтан тайдырды. Тіпті халық Ақаевтың «Осыдан кейін сайлауға түспеймін» деген уәдесіне де қарамады. .
Асқар Ақаевтан қалған орынтаққа Құрманбек Бәкиев отырды. Алайда ол 2010 жылы 7 сәуірде басталған қанды оқиғалардан кейін дәл Асқар Ақаев сияқты елден қашуға мәжбүр болды. Нақтырақ айтсақ, Тараз қаласында биліктен бас тартатыны туралы қағазға қол қойып, ары қарай Беларусь астанасы Минск қаласына ұшып кетті.
Құрманбек Бакиев Асқар Ақаевтан қарағанда қандықол болып шықты. Үкімет үйі алдына митингіге шыққан адамдарға полиция оқ атып, 87 адам қаза тапты.
Былтыр қазан айында Қырғызстанда кезекті төңкеріс болып, Жиенбеков биліктен кетуге мәжбүр болды. Күні кеше көрші елдің тізгінін Садыр Жапаров алды. Өкінішке қарай Қырғыз елінде Грузия мен Украинадағыдай толыққанды демократия орнамады. Садыр Нұрғожаұлы осы олқылықтың орнын толтырады деп сенеміз.
Басынан бес елі соры арылмаған байғұс Түрікменстан. Ниязов пен Кәрімовтің жұмбақ өлімі
Авторитарлық саяси режимнің бір көрінісі ел басшыларының жұмбақ өлімі болса керек. Бұл ретте Сапармұрат Ниязовтың кенеттен өмірден озуы күдік тудырмай қоймайды.

Бағжан Бақберген

Видео ШҰҒЫЛ! НАЗАРБАЕВТЫҢ КРЫШАСЫ ТАБЫЛДЫ/ПУТИН ӨЛМЕЙ ТЫНЫШТЫҚ ЖОҚ! канала KÓRGEN DURYS