130 миллион халық қырылды/600 бала өлді/Қазақтар дүр сілкінді

Баршаларыңызға ассалаумағалейкум

Бүгінгі видеоны соңына дейін көрулеріңізді сұраймын ағайын. Қазақ қоғамындағы рушылдық дерті мен 130 миллион үндістердің қалай қырылғаны жайлы керемет мағлұматтың жілігін шағып, майын тамызып тұрып жеткізетін боламын. Сіз үшін Көрген дұрыс!

Трайбализм. Тұяғымызға тұсау салып тұрған ұлы дерт. Қашан арыламыз? Мәшинеміздің әйнегіне, қала берді майкамыз бен ішіп жүрген энергетигіміздің өзіне дейін руымыздың атын атап, түсін түстеуге көштік. Қала берді, Қарасай Шапыраштыныкы, Қабанбай Наймандыкы, Райымбек Албандыкы деп аттандаймыз келіп. Біреу руың туралы, руласың туралы бәлен десе бетін тырнауға дайынбыз. Арғы бабам ананы бүйткен, мынаны сүйткен, айқасқанның ауызын айырып, жармасқанның жағасын жыртқан деп көпіріп отыратын көкелерге талай куәгер болғанмын. Жоқ, бұл мақтаныш емес, бұл дерт! Жетінші сыныбымда Жетісудің төрінде мекен еткен, Аман есен болса екен Албандарым дегенім үшін ұстазымнан аямай сөгіс естіген едім. Мінекей, содан бері рулық көзқараспен емес, ұлттық көзқараспен, ұлттық тұрғыдан, биіктен ойлау керек екенін түсіндім. Қазақтың Ақтабанда шұбырып, Алқакөлде сұлауына да, Аштықтан өліп, Қастықтан қырылуына да осы Трайбализм кінәлі! Жоңғардың жонынан таспа тіліп, орысқа осқырынып қарайтын шағымызда да алдымыздан шыққан алты бақан алауыздықтың негізгі бастауы осы рушылдық. Әлі де ауырып келеміз? Қашан аяғымыз? Қашан Қабанбай Наймандыкы емес, күллі қазақтыкы дейміз. Жұмсақ креслоға жамбасымыз тисе жақынымызды жарылқауды қашан қоямыз? Аа, айтпақшы. Әкем маған осы сен жүгермек саясаттың сасық гүліне жоламай-ақ, тарихың мен әдебиетіңді түгендесейші. Үндістер қалай қырылды, Колумб анығында кім болды, Суворов деген нақұрыс кім деген тақырыптарға бас ауыртсаңшы деп бажылдаушы еді. Бүгін әкемнің қарғадан әппақ тілегін аяқ асты етпей, осы Трайбализм ауруымен ауырып, түгелдей қырылған Америка құрлығындағы үндістердің зұлмат тарихын баяндайтын берейінші. Видеоны соңына дейін көріңіздер және өздеріңіздің гаухардан қымбат, бриллианттан бағалы пікірлеріңізді жазуды ұмытпаңыздар. Үндістердің тарихынан сабақ алу міндетіміз

1492 жыл. Бұл жылды бүгінде үндістер «қарғыс атқан қанды жыл» деп атайды. Өйткені Х. Колумб дәл осы жылы Америка құрлығын ашып, нәтижесінде жергілікті халық миллиондап қырылды. Х. Колумб ең бірінші болып Багам аралдарына түскенде былай деп жазды: «Бұл жердің халқы өте көп. Бірақ санының көптігіне қарамастан олар ешқандай қиыншылық көрмеуде. Азық-түлік жеткілікті, жемістің сан түрін өсіреді, ал жергілікті халық бақытты көрінеді. Бұларды жаулап алып, өз дінімізге кіргізсек, олардан тамаша қызметкерлер шығар еді…» Колумб ашуларынан кейін Америка құрлығына Еуропадан сансыз кемелер жол тартты. Олар жергілікті халықты қырып-жойып, жаулап алу мақсатын алдарына қойған еді. Испан патшасы «Жаңа әлем» атты экспедиция ұйымдастырып, испандықтар Америка құрлығын бірінші болып бағындырды. Олар жергілікті халықты жаулап, егіндік жерлерін тартып алды. Тіпті себепсізден — себепсіз үндістерді өлтіріп, иттеріне тамақ ретінде де жегізген сәттері болған еді. 1539 жылы конкистадор Франсиско де Чавес «Каруа Кончукос» патшалығын жермен жексен етіп, 600 ден астам үш жасқа толмаған сәбиді өлтіріп, адамзат тарихы көрмеген зұлымдықты жасады. Ол жайлы сол сәттің куәгері болған Бартоломе де Лас Касастың «Үндістердің қырылуының қысқаша түсіндірмесі» атты кітабында жазылды. Отарлаушыларды сол сәтте талқандап тастауға болар еді, алайда үндістер өзара бөлініп, бір-біріне көмекке келмеді. Тайпа тайпа, ру руға бөлініп қырқысып жатты. Олар үшін отарлаушыларды талқандағанға қарағанда, бір-бірін қырып жою маңыздырақ еді.
1622 жылы ағылшындар Джеймстаун маңында үндістерді бір-біріне қарсы қойып, қырып салды. Могиикан, Наррагансетт тайпаларын Пекот тайпаларына, Минго тайпасын Хочи тайпасына, Вийот тайпасын Раки тайпасына, Навахо тайпасын Сиу мен Шайена тайпаларына, Шошон, Алеут, Апачи, Пуэбло, Мешика, Команчи, Кайова, Майя, Ацтек, Инк, Ботокудо, Тотонаки, Арапахо, Пауни, Модок, Не-персе сынды 200-ге жуық тайпалар арасындағы алауыздыққа май құйып, өзара қырқыстырып отырды. Олар ағылшындар мен испандықтарды, португалдықтарды одақтас санап, өз тайпаларын қыруға жол ашып берді. Ғасырлар бойы өркендеген Майя, Инк және Ацтек патшалықтары сыртқы күштердің керемет ойластырған сценарийі бойынша өзара тартыстан құлатылды, үндістердің өркениеті жойылды. 1500-1800 жылдар аралығында Солтүстік және

Бағжан Бақберген

Видео 130 миллион халық қырылды/600 бала өлді/Қазақтар дүр сілкінді канала KÓRGEN DURYS