Олимпиададан Жеңілген Боксшы Өзіне Қол Салды!

Бәріңізге Ассалаумағаликум, Токио төрінде өтіп жатқан олимпиадаға кімнің күші, кімнің мысы мықты деп салмақтап жүріп апарған спортшыларымыз үсті-үстіне ұтылып жатыр. Әсіресе ерекше үміт артқан боксшыларымыз бетімізді жерге қаратты. Екі күнде бес бірдей былғары қолғап шеберіміздің жарыс жолынан шығып қалуы дегеніңіз нағыз қасірет емес пе?! Бұрын алған жүлделерінің буы қысты ма, әлде, өз елімізде жүріп өзгеге жалтақтаудан жігері жасып қалған ба әйтеу үмітті ақтамады.
Жалпы спортшыларымыздың білгенінен жаңылып, жүлдеден қағылуына жемқорлықтың қатысы бар ма? Олардың бағын байлаған кімдер? Біздегі спорт саласы салафизмнің шырмауына ілінген бе? Ермахан Ибагимов ұлттық командаға бапкер боп барса бірнәрсе өзгере ме? Мұны сізге білген дұрыс
Ардақты ағайын видеоны көрмес бұрын төменге түсіп подписаться деген қызыл тетікті басып және қасында шыққан қоңыраушаны баса салыңыз. Біз сіздерге маңызды, өзекті һәм қызықты ақпараттарды ұсыну үшін тынбай қызмет ете береміз.

«Егер Олимпиада бағдарламасында билікке өрмелеу, құрғақ уәде беру, көзбояу, жағымпаздық пен жемқорлық эстафетасы, қарсыласыңды "балақтан тарту" деген сияқтылар болса, бүкіл медаль қазақтардікі болар еді. Олимпиада құрамасын Nur-otan партиясына мүше министрлер мен әкімдерден жасақтай саламыз». Жомартбек Нұрман есімді бір азаматтың күйіп кеткенде айтқаны бұл. Қарап отырсаң сөзінің жаны бар. Сырын айтамын деп шынын айтып қойды дегенде осы болар. Ал алаулатып-жалаулатып, Президент қабылдап батасын беріп Токиоға аттандырған спортшыларымызға көз тигендей. Қанжығамызды майлата алмай жатыр. Журналист Ришат Тұрғанбай айтпақшы Токиода тоңқалаң асқан Левит! Біз жерге құлған Левитті жазғырамыз. Жоқ бұл боксшының кінәсі емес. Девиттің нокауты, бүтін қазақ боксының нокауты!

Сірә біз неден мүлт кеттік? Спортшыларымыздың дайындығы соншама нашар болғаны ма? Қазақстан спортын жемқорлық жайлап алғаны шын ба? Оғландрымыздың ұтылып жатқанын көргенде спортқа жанашыр әр қазақты осындай сұрақтар мазалағаны анық. Мұның жауабын көпшілік саясаттанушы, сарапшы Нұрмұхаммед Байғараевтың жазғандарынан оқып, білді. Енді соны сіздерге біз жеткізейік. Бәрін сонда түсінесіз. Ойланасыз.

Шыны керек, Олимпиадада спортшыларымыз "қирап" жатыр. Әр жарты сағат сайын "жеңіліп қалды", "өнер көрсетуден бас тартты" дегенді оқи беріп, көңіліміз құлазып кетті. Бір сөзбен айтқанда, отандық спортта дағдарыс деп бастаған әңгімесін Байғараев. Себеп неде? Маман емеспін. Жанкүйер ретінде ойымыз деп көрген-түйгенін былай баяндайды ол.

Пекин Олимпиадасына дейін Кеңес спорт мектебінің лебімен, соңғы тұяқ жаттықтырушыларымен әупірімдедік. Кейін Лондонға шеттен легионер әкеліп, жылдам нәтиже көрсетуге тырысты. Өйткені сондай елміз, бізге жүйе, стратегия, процесс маңызды емес. Тек нәтиже керек. Ұзақ шыдай алмаймыз.... Большевиктерден қалған әдет-ау....Бұл аздай, бар ақша футболға жұмсалады. Облыстарда спорт саласына бөлінетін қаржының 80-90 пайызы жергілікті клубқа кетеді. Одан көгерген футболды көрмедік. Қалған 10-20 пайызды басқа облыстық федерациялар бөліп алып, жаттығып, нәтиже көрсету керек. Жетпесе, өздерінің проблемасы...

Бұдан бөлек, спорттың қаржыландырылуы респ.федерация басшысының ықпалы, қалтасының қалдыңдығы, саяси салмағына байланысты болып қалды. Спорт - Қазақстанның бір бөлігі ғой. Жемқорлық, серая бухгалтерия, екі түрлі контракт, матчты сатып алу, келісіп алу, шетелде жаттықты деп жалған құжат жасау, таныс арқылы ұлттық құрамаға қосу - қалыпты жағдай. Көбі біледі. Бірақ көнеді. Жазылмаған заңдылық. Одан қалса, спорт элиталы санаттағы өнерге айналып кеткендей. Бәрі ақылы, бірақ тек үздіктерге ғана көлік пен пәтер беріледі. Ал қалғанына дым жоқ. Шынайы жағдай мұндай болмаса да, сырттай картина осыған ұқсап кетті.

Тағы бір себеп - спорттың ешбір түрі 30 жылда өзін-өзі асырайтын, көрерменге билет, телеарналарға трансляция құқығын сатып, күн көретін бөлек индустрияға айналмады. Бәрі бюджет ақшасына тәуелді. Қалай десек те, аймақтарда бұқаралық спортты дамытпасақ, қазіргі жағдай өзгермейді. Бұқаралық спорт дамыса, нәтиже 2024ж емес, 2028ж Олимпиадада көрінуі мүмкін. Бірақ өз еліміздің спортшылары. Токиода қазір 17-18 жасар қыз-жігіттер алтын алып, рекорд жаңартып жатыр. Яғни, ол елдерде балалар спорты, бұқаралық спорт жүйеге қойылған. Қытай 1990жж шетелдерден жаттықтырушыларды жаппай шақыруы, Британияның 2003ж бастап велоспортты дамытқан тәжірибесі - ескеретін жағдайлар.

Бұл жолғы олимпиада да боксшыларымыздың шетінен ойсырай жеңілуі қазақ қоғамына қатты соққы боп тиді. Өйткені төрт Олимпиада қатарынан 69 келі салмақта қазақ боксшылары қарсылас шақ келтірмей жеңістің желкенін көтеріп еді. Сосын жұрт 69 келіні «қазақтың салмағы» деп атап кеткен болатын. Сол салмақта жарыс жолына шыққан Абылайхан Жүсіповтың бағы жанбады. Серік Теміржанов , Бекзат Нұрдәулетовтіңдер де қарсыласын жеңуге шамасы жетпеді. Осыны көрген Сидней олимпиадасының чемпионы Ермахан Ибраймов қатты намыстанып кетсе керек, мәлімдеме жасады. «Мені шұғыл түрде бапкерлер штабына қосу керек.

Видео Олимпиададан Жеңілген Боксшы Өзіне Қол Салды! канала BILGEN DURYS