Жаңа баспанаға кірген мақтааралдықтар үй маңындағы қора-қопсаның жоқтығына өкпелі

Түркістан облысының Мақтаарал ауданында бой көтерген баспаналарда қора-қопсы жоқ. Біркелкі үлгіде бой көтерген төрт жүзге жуық жаңа үй жасыл шарбақпен қоршалған. Жаңа қонысқа кіргендер мұндағы үйлердегі қора-қопсының салынбағаны халыққа қолайсыздық тудыруда дейді. Қазір тұрғындар жаппай сыртқы аулада әжетхана тұрғыза бастаған. Қараша жұрт одан бөлек, тым болмағанда заттарымызды қоятын қосалқы құрылыс салуға рұқсат берілсе, оны да өзіміз салып алар едік дейді.
Су басқан елдімекен тұрғындарына табысталған Мырзакенттегі төрт жүзге жуық үйде қора-қопсы қарастырылмаған. Қаз-қатар тізілген үйлер жасыл шарбақпен қоршалған. Халық әлі де қоныстанып жатыр. Үйдің ішіндегі әжетханаға қарамастан, тұрғындардың дені сыртқа әжетхана салуға кіріскен. Қора қажет дегендер қолайсыздық алдағы уақытта жойылса дейді.
ТАЛАСБЕК ДАУБАЕВ, Мақтаарал ауданының тұрғыны:
– Қолайсыздық болады ғой. Қазақ енді малмен өскен, адамның барлығы. Мал ғой. Келім-кетім болады, құда-жекжат болады. Бір мал сою керек дегендей.
ЕРКІН ЕСЕТОВ, Мақтаарал ауданының тұрғыны:
– Дұрыс. Қала ретінде тұруға болады негізінде. Бірақ біздің қазақта жаңағы ғой енді. Қора-қопсысы болмаса, болмайды ғой.
Кейбір көшелерде тұрғындар байқалмайды. Есесіне кейбір үйде - қонақ. Қоныс тойын атап өтіп, ас беріп жатқандар да бар. Сәулет мамандары қора-қопсы таза қалашықтың бүлінуіне әкеп соғады деп есептейді. Өйткені қора салынса, халық мал алып келмек деп отыр. Бұрынғы су басқан жерін шаруашылық өркендетуге бердік, ал мұндағы үйлерде жоспарға сәйкес, қосалқы шаруашылық көзделмеген деді.
БИЖАН АНАРБЕКОВ, Мақтаарал аудандық сәулет, қала құрылысы және құрылыс бөлімінің басшысы
– Тұрғындардан өтініш түсіп жатыр, осы қосымша құрылыстарын жүргізуге. Тұрғын үйге жапсарлас. Біз оған келісім берген жоқпыз. Өйткені бұл тұрғын үйлердің кепілдік мерзімі бес жылға дейін.
Дегенмен билік тұрғындар өтінішін еске алып, сыртқа әжетхана мен көлік тұратын бастырма салуға ғана рұқсат беріпті. Қосалқы қора-қопсы бас жоспарда да жоқ көрінеді. Бес жылдық кепіл мерзімінен кейін қарастыруға болады деп қосты олар.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Жаңа баспанаға кірген мақтааралдықтар үй маңындағы қора-қопсаның жоқтығына өкпелі канала Информбюро 31