Ақтөбелік менеджер ондаған кәсіпкерді елу миллион теңгеге алдап кетті

Ақтөбеде құрылыс материалдарын сататын «Домострой» дүкеннің менеджері бас-аяғы төрт күннің ішінде ондаған кәсіпкерді елу миллион теңгеге алдап кетті деген жәбірленушілер бүгін наразылыққа шықты. Сөздерінше карантинн уақытын пайдаланған ол тапсырыс берушілерден тауар үшін алдын ала ақша жинап алған. Екі жылдан бері сенімге кіріп, жұмыс жасаған менеджердің бұл әрекетіне басшылары да таң қалып отырғанын айтады. Өйткені ол кәсіпкерлерден тауар үшін алған ақшаны кассаға да өткізбеген көрінеді.
Бұл – «көтерме саудамен айналысатын «Домостройдың» менеджеріне алдандық» деген азаматтар. Сөздерінше көп жылдан бері осы жерден құрылыс материалдарын алып, үстіне ақша қосып, тауарларын базарға апарып сатады екен. Ал мамыр айында карантиндегі шектеуді желеу еткен менеджер кәсіпкерлерге дүкеннің жабылатынын, шет елден енді тауар келмейтінін, сол үшін қолдағы барды алып қалуларын айтып хабарласқан көрінеді. Сенімімізге әбден кірген менеджерден мұндай әрекетті күтпедік деген кәсіпкерлер оның қолына еш ойланбастан миллиондап ақша ұстатып жібергендерін айтады. Ал алданғандарын тауарлары келмегеннен кейін бір-ақ біліпті.
МАРАТ ДОСҚОЖАЕВ, кәсіпкер:
– Біз как обычно заявка бердік. Предоплата ақшаны да бердік. Ол ақшаны алып жоғалып кетті. Тауар да жоқ, өзі де жоқ. Екі миллион жиырма үш мың жеті жүз елу теңге бердік. Екі машина тауарға. Тауарымыз келген жоқ. Ертең келеді, арғы күні келеді деп звондап айтып жүрді. Содан кейін жоғалып кетті.
Менеджер кәсіпкерлерден жинап алған ақшаны мекеменің кассасына әкеліп тапсырмаған екен. Осы жағдайдан кейін хабарсыз кеткен менеджерді дүкен басшыларының өздері де таппай қалыпты.
ЕРҒАЛИ АМАНГЕЛДІҰЛЫ, «Домострой» ЖШС Қауіпсіздік қызметінің басшысы:
– Пандемияны қолданып, бізге клиенттеріміздің жабылып қалғанын айтты, олар жұмыс істемей жатыр деп айтты. Осындай сылтаулармен оларда ақша жоқ деп айтып жүрді. Жұмыстың кассасына тапсырмай, артынан береді деп жүрді. Сосын біз сендік.
Қазір елу миллион теңге алды деген менеджер тергеліп жатыр.Үстінен ірі көлемдегі алаяқтық бабы бойынша қылмыстық іс қозғалыпты. Алайда прокурорлар істі полиция департаменті дұрыс тергемеді деп отыр.
АЛМАС ОРЫНҒАЛИЕВ, Ақтөбе қаласы Алматы ауданы прокуратурасының аға прокуроры:
– ҚР қылмыстық процесуалды кодексінің 24 -бабына сәйкес толық зерттеу, тергеу әрекеттерін жүргізу үшін қайтарылды. Тергеу кезінде кейбір сұрақтар дұрыс ашылмаған.
ЖАНАР ҚОЖАНОВА, тілші:
– Осылайша бір ай тергелген іс прокуратурадан өтпей, полиция департаментіне кері қайтарылыпты. Заң қорғаушылар тергеу толық аяқталғаннан кейін істі сотқа жібереміз деп отыр. Ал елу миллион теңгеге алданған кәсіпкерлер экс- менеджер ақшамызды толық қайтарып, заң бойынша жазасын алсын деп отыр.
Жанар Қожанова, Бағдат Баймурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Ақтөбелік менеджер ондаған кәсіпкерді елу миллион теңгеге алдап кетті канала Информбюро 31