Үйдегі ит пен мысығыңызды тіркемесеңіз 30 мың теңге айыппұл арқалайсыз

Үйдегі ит пен мысығыңызды тіркемесеңіз 30 мың теңге айыппұл арқалайсыз. Наурызда күшіне енетін «жануарларға қатысты заңда» осылай жазылған. Яғни, төрт аяқты серігіңізге чип орнатуыңыз міндетті болмақ. Ал, оның құны 6-7 мың теңге. Үйлерінде бір емес, ондаған жануар асырайтын азаматтар мұндай өзгеріс қалтаға ауыр тиеді деп отыр. Жаңа заң төрт түлікке де қатысты ма?
Зоя Пабликованың 30-ға жуық мысығы мен 10 шақты иті бар. Әрқайсысын чиптеу керек дегенді естігенде төбемнен жай түскендей болды дейді. Жануар туралы ақпарат беретін құрылғыны орнатудан қашпайтынын айтқан тұрғын оны 40-қа тарта жануарға қойдыруға жағдайы жоқ екенін жеткізді.
ЗОЯ ПАБЛИКОВА, Петропавл тұрғыны:
– Жануарларға қатысты енгізілген заңды қолдаймын. Дегенмен, маған үйдегі жануарларымды бірден чиптеу ауырға соғады. Қалтам көтермейді. Ит, мысықты үлкен көлемде асырап отырған мен ғана емес. Сондықтан, экология министрлігі өздерінің есептеріне чип орнатып берсе дейміз.
Экология министрлігінің мамандары, жануарларға орнатылатын чип жоғалған жағдайда оның иесі кім екенін анықтап, мекенжайын тез тауып алуға көмектеседі дейді. Қарапайым шприц арқылы салынатын сұйықтық тері мен ет арасында тұрады екен. Оны жануар иесі өз қаражатына орнатуы керек. Иесі жайлы ақпарат беретін құрылғыдан бөлек тағы болюстер арқылы орнатса болады екен.
МАҚСАТ НАСЫР, ҚР Экология министрлігі Орман шаруашылығы және жануарлар дүниесі комитетінің баспасөз хатшысы:
– Министрлік үй жануарларын есепке алу ережелерінің жобасын әзірледі. Оның шеңберінде ит пен мысық міндетті есепке алынатын жануарлар түріне жатады. Ал, үй жануарларының басқа түрлеріне келетін болсақ, оларды тіркеу ерікті түрде жүргізіледі. Сондай-ақ, төрт түлік мал яғни, ауыл шаруашылығы жануарларына жататын болғандықтан экология министрлігінің құзыретіне кірмейді.
Жануарларды тіркеу 2023-ші жылдың 1-ші қыркүйегінен басталады. Төрт аяқты серігін иелері бір жылдың ішінде чиптеу керек. Яғни, 24-ші жылдың 1-ші қыркүйегінен бастап чип салынбаған жануардың иесіне 10 айлық есептік көрсеткіш көлемінде көлемінде айыппұл салына бастайды.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#алматы #ахуал #казахстан #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар

Видео Үйдегі ит пен мысығыңызды тіркемесеңіз 30 мың теңге айыппұл арқалайсыз канала Информбюро 31