Мұнайшы болғандарына ұялады

Бүгін Қызылордада жұмыстарын тоқтатқан "Қуатамлонмұнай" компаниясының 150-ге жуық мұнайшысы жалақыларын жетпіс пайызға өсіруді талап етті. Айтуларынша соңғы он жылдан бері қарапайым жұмысшылардың жалақысы небәрі 4 пайызға көтерілген. Бірақ қымбатшылықтың қарқыны қатты шақта, айлығымыз шайлығымызға жетпейді дейді жиналғандар. Ашуға булыққан жұмысшылар дәл бүгін бұл мәселе шешілмесе, компанияның кеңсесінен кетпейміз деп тұрып алды.
"Қуатамлонмұнай" қытай компаниясының мұнайшылары бүгін таң атқаннан кен орнына емес, басшылары отыратын кеңсеге келді. Талаптары біреу. Бірнеше жылдан бері жырға айналған жалақыларын жетпіс пайызға өсірсін дейді жұмысшылар. Алатын ақылары маңдай тер, адал еңбектерін ақтамайтындарын айтады.
ДАРХАН ЖАНАХМЕТОВ, мұнайшы:
– Қыстың суығы бар, жаздың ыстығы бар. Қазір мұнайшымын деп айтуға ұяламыз. 150 мың айлық. 15 күн денсаулығымызды беріп келеміз. Ол жақта экология ғой, оңай емес. 15 күн демаласың ба, әлде 15 күн подработавать етесің ба дальше күн көру үшін.
Бүгінде алып компанияда қысы-жазы жұмыс істейтін қарапайым мұнайшылар 100-150 мың теңге аралығында алады. Бірақ қазіргі қымбатшылықта бұл табыспен күнелту мүмкін емес дейді. Ал былтыр қайта-қайта жалақы мәселесін көтеріп жүріп, 4 пайызға қостыртқан ақша азық-түлік өсімінен артылмады деп ашулы.
АЛМАТ ТҰРМАХАНОВ, мұнайшы:
– Құзырлы органдардың бәріне шағымдандық қой. Айналысып келе жатқандарына неше жыл болды уже. Екі жақты комиссия құрылады. Бірақ ешкім шеше алмайды.
Ал компанияның басшылары айлық мәселесін тек құрылтайшылар бекітетінін айтады.
– Әуелі құрылтайшылар жиналыс өткізулері керек. Біз қазір бұл мәселені талқылаймыз. Араларыңызда 5-6 адам бізбен қалып, қалғандарыңыз жұмыстарыңызға бара беріңіздер.
Бірақ бүгін жиналғандардың барлығы талаптарын орындатпай жұмысқа шықпаймыз деп бекінген.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#алматы #ахуал #казахстан #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар

Видео Мұнайшы болғандарына ұялады канала Информбюро 31