Қарулы қақтығыс болып жатқан Украинада Қазақстанның жүк көліктері тоналып жатыр

Қарулы қақтығыс болып жатқан Украинада Қазақстанның жүк көліктері тоналып жатыр. Осылай деп шағымданған жүргізушілер машиналарын видеоға түсіріп, арнамызға жолдады. От пен оқтың ортасында қалдық деген отандастарымыз биліктен көмек сұрайды. Днепропетровск қаласында қалып қойған Қазақстандықтар жолға шығуға жүрексініп отыр. Ал, «Атамекен» ұлттық кәсіпкерлер палатасы жүк көліктерінің иелерімен кездесіп, Украинада қалған қазақстандықтардың санын анықтау жұмыстары жүріп жатқанын айтады.
Көліктеріміз тоналып, сымдарын үзіп кетті деген отандастарымыздан видео көптеп келіп жатыр. Мемлекеттік нөмірлерін жұлып, терезелерін сындырған дейді видео авторы. Өмірімізге алаңдаймыз, сондықтан Қазақстан билігі бұл жерден шығудың жолын қарастырса дейді жүргізушілер. Украина елінен Қазақстанға азық-түлік тасымалдайтын Берік Жиенқұлов мұндай жағдайға 25 жылдың ішінде бірінші рет тап болғанын айтады. Сөзінше қазір екі жүк көлігі сол қарулы қақтығыс болып жатқан Киев пен Дубна маңында қалып қойған. Тиеген тауарларын зауытқа қайта апарып түсіріпті. Өйткені тонау мен басқа да қауіптен сақтандық дейді. Енді ол, көліктері мен жүргізушілерін елге қалай жеткізерін білмей дал.
БЕРІК ЖИЕНҚҰЛОВ, көлік жүргізушісі:
– Водительдерден хабар бар. Интернет қосулы. Телеграмм, диспечерлер арқылы хабарласып отырмыз. Әзірге қауіп жоқ. Бірақ жан-жағы түгелдей соғыс болып жатыр. Иә былай емес, иә былай емес, шығатын мүмкіншілік жоқ. Дубна жағында кешеден бастап азық-түлік сатуды тоқтатты. Ақшаға да, былай да емес. Үкіметтен сұрайтынымыз қалай эвуакуация болады? Соны білейік деп едік. Пока хабар болмай тұр. Олар машинаны тастап жаяу кетейін десе де кететін жерлері жоқ.
Қазір Украинада Қазақстанның 50-60 жүк көлігі тұр. Кәсіпкерлер үкіметтегілерден жағдайды тез арада шешуді және елге жету үшін Польша шекарасы арқылы жасыл дәліз ұйымдастыруды сұрайды. Ал, Атамекен кәсіпкерлер палатасы осы мәселені шешу үшін сауда және сыртқы істер министрлігіне хат жібергендерін айтады.
Қазақстан билігі өз азаматтарын Украинадан шығару жолын қарастырғанша, жүк көлігінің жүргізушілеріне күтуден басқа амал жоқ.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#алматы #ахуал #казахстан #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар

Видео Қарулы қақтығыс болып жатқан Украинада Қазақстанның жүк көліктері тоналып жатыр канала Информбюро 31