Azərbaycan Xocavəndə yeni birliklər göndərdi: anti-terror əməliyyatları başlayacaq!

Bu gün ilin son iş günü, ilin son yayın günüdür. İl bitir, Qarabağla bağlı narahatlıqlar yeni ilə keçəcəkmi? Bizə qələbənin dadını tam çıxarmağa kim və kimlər mane olur?

İlin sonuna damğa vuran hadisələrdən biri də Lavrov- Çavuşoğlu görüşü oldu. Gündəmdə nə qədər başqa məsələlər olsa da, əslində bu görüş Qarabağ və oradakı proseslərlə bağlı idi. Artıq kimsəyə sirr deyil ki, Rusiya-Azərbaycan -Ermənistan arasında əldə olunan məlum 3-lü anlaşmadan başqa, alternativ bir anlaşma da var. Burada Türkiyə də iştirak edir və məhz bu elan olunmayan anlaşma səbəbindən Rusiya və Türkiyə rəhbərləri müntəzəm olaraq telefonla danışır, xarici işlər nazirləri isə görüşürlər. Buradakı sirli və elan olunmayan formata dair müxtəlif fikirlər var. Bəziləri iddia edir ki, burada yalnız Rusiya-Türkiyə var. Və anlaşmalar, əməkdaşlıqlar təkcə Qarabağla bağlı deyil, daha əhatəlidir. Məsələn, S-400-lərlə başlayan silah ticarəti, Suriyanın şəkilləndirilməsi, Liviyada maraqların koordinasiyası, Afrikanın gələcəyində iştirak etməklə bağlı ikili anlaşmalar... Lakin bəzi ekspertlər də idda edirlər ki, bu koalisiyada İran da iştirak edir və yuxarıda sadalananlarda rəsmi Tehranın da çıxarları nəzərə alınır və alınacaq. Digər eksperlərsə hesab edirlər ki, strateji olaraq Rusiya-Türkiyə ikili anlaşması var, lakin Qarabağa dair daha fərqli bir formatda anlaşma mövcuddur. Buradakı format Türkiyə-Rusiya-Azərbaycan-Ermənistan kimi təqdim olunur. İddialara görə, hər kəsə elan edilən 3-lü anlaşmanın arxasında da məhz 4-lü anlaşma var. Bunun elan olunması Ermənistan cəmiyyətini və erməni lobbisini daha da gərginləşdirməsin deyə, 4-lü formatın arasında əldə olunan anlaşma və proses hələlik aşıqlanmır. Bu anlaşmalarda Türkiyə ordusunun Qarabağda yerləşməsinin gələcək detalları da, Qazaxın işğalda olan kəndlərinin geri qaytarılması da, Türkiyə-Ermənistan sərhədlərinin açılması və diplomatik əlaqələrin qurulması və başqa mühüm detallar da öz əksini tapıb. Bütün bunlardan ən gerçək olanı hansıdır? Türkiyə-Rusiya XİN başçılarının görüşünün nəticələri varmı, münasibətlərin inkişafı hansı istiqamətə gedir?
Bəzi Qərb dairələrinin emissarları, "beşinci kolon" Qarabağ qələbəsini gözdən salmaq, cəmiyyətdə pessimizm və qarşıdurma yaratmaq üçün işlər görür. Ancaq neqativ elementləri, faktları qabardır, Rusiyanın guya qələbəmizi oğurlamasını israrla beyinlərə həkk edir, Böyük Qayıdış layihəsinə inamsızlıq yaradırlar. Sosial şəbəkələrdə bunu aydın görmək olur. Bütün bunların milli ruh və atmosferə təsiri olacaqmı? Bu prosesi önləmək, ifşa etmək mümkünmü? Ya da lazımmı?
Türkiyə Lavrovla görüşdən sonra birgə Monitorinq Mərkəzinə dair bəzi rəqəmlər açıqladı. Mərkəzin binası hazır olan kimi, 1 generaldan, 35 zabitdən ibarət heyət Ağdamda yerləşəcək. Türk ordusunun ''sapyor'' hissələri bundan əvvəl Azərbaycana gəlib və fəaliyyətdədirlər. Onların konkret vəzifələri nə olacaq, ya da ola bilər? Rusiya sülhməramlıların mandatı, narahatlıq doğuran, kənara çıxılan davranışları burada tənzimlənəcəkmi?
Hadrud (Ağoğlan) və Xocavənd istiqamətində anti-terror əməliyyatları gücləndirilib. Erməni silahlıları həmin bölgəni özlərinə əlverişli nöqtə seçiblər. Artıq ikinci ciddi hadisədir. Doğrudur, hər ikisində də ciddi cavab alıblar. İlk dəfə 170 silahlı əsir görğtürüldü, 10 nəfər öldürüldü. İndi isə 6 silahlı qrupun hamısı məhv edildi. Musavat.com-un əldə etdiyi məlumata görə, ikinci hadisədən sonra Azərbaycan ordusu Hadrud-Xocavənd istiqamətini daha da gücləndirib. Bölgəyə müharibədə xüsusi ilə fərqlənmiş təcrübəli birliklər gətirilib. Kəşfiyyat-əkskəşfiyyat tədbirləri gücləndirilib. Lakin daha nələr etmək olar ki, silahlı ermənilər bir daha hücum həvəsinə düşməsinlər? Xüsusi ilə bir detalı deyək ki, rəsmi İrəvan bu silahlı birliklərin Ermənistan ordusuna aid olmaması barədə açıqlama yaydı. Bununla da onlara ölüm hökmü çıxartmış oldu. Yaxın günlərdə bölgədə geniş anti-terror əməliyyatları başlaya bilərmi? 3-lü anlaşmaya görə, Ermənistan dövləti də Qarabağın tamamının Azərbaycana aid olması faktına imza atıb. Beynəlxalq hüquqa görə də Azərbaycan öz ərazisində təkrar hərbi əməliyyatlar başlada bilər. Bunu indi etsək, nə dəyişər, niyə etməyək? Əks halda, havalar isinib, meşələr yarpaqlayandan sonra daha çətin ola bilər.

Bu və digər gündəm suallarını Ağ Partiyanın sədri Tural Abbaslı ilə müzakirə edirik

Видео Azərbaycan Xocavəndə yeni birliklər göndərdi: anti-terror əməliyyatları başlayacaq! канала TV Musavat