Gündəmə müxalifətin baxışı: KXCP sədri Mirmahmud Mirəlioğlu "Canlı debat”da

Azərbaycan SSR-in, yoxsa ADR-in sərhədləri – Putinin təklifinə “hə” desək...
Putin “Valday” klubunun son iclasındakı çıxışında bildirdi ki, Azərbaycanla Ermənistan arasında sərhədlər sovet xəritələri əsasında müəyyənləşə bilər. Bu da o anlama gəlir ki, tərəflərin bir-birinin ərazi bütövlüyünü Azərbaycan SSR və Ermənistan SSR-in əks olunduğu xəritələr əsasında tanıması daha məqbuldur.
Dünən isə Ermənistan Təhlükəsizlik Şurasının katibi Ararat Mirzəyan bəyan edib ki, Ermənistan sərhədlərin 1920-ci il xəritələri əsasında dəqiqləşdirilməli olduğunu düşünür və bu xəritələrin erməni tərəfinin maraqlarına ziyan vurduğu haqda rəyləri bölüşmür. “Həmin dövrün xəritələri hüquqi qüvvəsi olan yeganə xəritələrdir” ,- Qriqoryan bildirib.
Amma məlumdur ki, indiki Azərbaycan Respublikası 86.6 min kv. km-lik ərazisi olmuş Azərbaycan SSR-in deyil, 113,9 min kv km-lik ərazisi olan ADR-in hüquqi-siyasi varisidir. O zaman bu hüquqi əngəl öz həllini necə tapacaq?
Bu arada İrəvan Dövlət Universitetinin Şərqşünaslıq fakültəsinin İranşünaslıq kafedrasının müdiri Vardan Voskanyan iddia edib ki, guya SSRİ-nin 1928-ci il atlasında Ermənistanın ərazisi təxminən 1500 kvadrat kilometr böyük, Azərbaycanın ərazisi isə Sovet İttifaqının dağılması dövründəkindən demək olar ki, bir o qədər kiçikdir. Yəni yalnız 1928-1991-ci illərdə. Sözündən belə çıxıb ki, 1928-ci ildən sonra 1500 kv km ərazi guya sovet Azərbaycanına verilib. Bu erməni “tarixçi” nə çərənləyir? O hansı atlasdır elə?

Ermənistan hakimiyyəti Azərbaycanın Qarabağ regionunun bir hissəsində müvəqqəti məskunlaşan rus sülhməramlılarının məsuliyyət zonasında yerləşdirilmiş erməni əhali üçün daha 27 milyon dollar (13,575 milyard dram) ayırıb. Bu barədə Ermənistan Nazirlə Kabineti qərar qəbul edib. “Analoji qərar bu il artıq 5-ci dəfədir qəbul edilir. İyula qədər 65 milyard dram (130 milyon dollar) ayrılmışdı. İyuldan isə ümumi məbləğ daha 57 milyard dram (114 milyon dollar) artırıldı”, - Ermənistanın maliyyə naziri Tiqran Xaçatryan deyib.
Göründüyü kimi, İrəvan hələ də sanki öz ərazisi kimi bir ovuc ermənilərin qaldığı separatçı anklava, Xankəndiyə rəsmi şəkildə maliyyə dəstəyini davam etdirir. Aydındır ki, hələlik Azərbaycan sırf humanitar səbəbdən Laçın dəhlizi ilə ermənilərin bölgə ilə rahat gediş-gəlişinə mane olmur. Ancaq bunun da sonu gələcək. Bəs Ermənistandan Qarabağa təyinatı müəmmalı olan maliyyə yardımlarına Bakı nə vaxtadək göz yumacaq? Yummalıdırmı hələlik? Yoxsa etiraz bildirməlidir? Bu vəsaitlərin xərclənməsinə hansısa nəzarət mexanizmi mümkünmü?

Separatçılardan Azərbaycana qarşı növbəti təxribat – cavabımız nə olacaq?
Gələn ilin martında Xankəndində “erməni abidələrin albanlaşdırılması mövzusunda beynəlxalq konfrans” adlı təxribatçı təbdir planlaşdırılır. Bu barədə oyuncaq qurumun “rəsmisi” bildirib.
Xankəndində xarici ölkələrdən (Rusiya, Avropa ölkələri) ermənipərəst tarixçi alimləri dəvət edib bir siyasi şou, ölkəmizə qarşı növbəti de-marş hazırlamaq, beynəlxalq rəyi çadırmaq istəyirlər. Guya bu tədbir Bakının “erməni dini məbədlərini albanlaşdırılması”na “qəti bir nöqtə” qoyacaq.
Hiss olunur ki, erməni tərəfi uzun illər ərzində saxtalaşdırdıqları alban kilsələrinin öz sahiblərinə qaytarılması prosesindən bərk narahatdır. Çünki bu “miatsum” sərsəmləməsinə, Azərbaycana qarşı ərazi iddiasına sarsıdıcı zərbə deməkdir.
Ancaq Bakının icazəsi olmadan belə bir tədbir necə reallaşa bilər və həmin əcnəbi “alimlər” Xankəndində icazəsiz peyda ola bilərmi? İkinci yandan, icazə verilsə belə azərbaycanlı tarixçi alimlərin orada iştirakı nə dərəcədə mümkünmü? Tarixçilərimiz nə deyir, həmin tədbirə qatılıb erməni saxtakarlıqlarını faş eləməyə hazırıdırlarmı? Azərbaycanın ön təbirləri nə ola bilər?

Видео Gündəmə müxalifətin baxışı: KXCP sədri Mirmahmud Mirəlioğlu "Canlı debat”da канала Tv Musavat