Ermənistan xarici işlər naziri Xankəndində saziş imzaladı, cavabını necə verək?Eldar Namazov Canlıda

Azərbaycan müharibə yaralarını sarıyır! Vətən müharibəsindən Qarabağ quruculuğuna!
Ermənistanın xarici işlər naziri Xankəndində cinayətkar rejimin xarici işlər naziri ilə ikitərəfli saziş imzalayıb. Buna Azərbaycanın XİN-i səviyyəsində zəif bir cavab verildi. Davamı gələcəkmi? Bu, hansı insidentlərə səbəb ola bilər?

Və təbii ki, İlham Əliyevlə Paşinyanın yanvarın 11-də Moskvada görüşəcəyi ilə bağlı xəbərlər yayılıb. Bu, şayiədir, yoxsa reallıqla hansısa əlaqəsi var? Əgər görüş baş tutarsa hansı yeni məsələlər müzakirə olunacaq?
Rusiya müdafiə nazirliyi Qarabağın yeni xəritəsini yayıb. Xəritədə yeni xətlər müəyyənləşdirilib. Yeni xəritə qalmaqalı, yoxsa?
Yanacağın qiymətinin artımı, koronanın tüğyan etməsi və dünya çapındakı vaksinləşmə prosesi Qarabağ və Vətən müharibəsi mövzularını gündəmdən çıxartmadı. Azərbaycan Prezidentinin əsas prioritetləri də Qarabağın, işğaldan azad edilən torpaqlarımızın yenidən qurulması, abadlaşdırılması, eyni zamanda, Şəhid və Qazi ailələrinin tələblərinin təmin olunmasıdır. Bunun üçün daxili qaynaqlar və xarici investisiya imkanları araşdırılır, səfərbər olunur. Azərbaycan bu boyda yükün öhdəsindən gələcə biləcəkmi, Qarabağın dirçəldilməsinə dair yol xəritəsində xarici amillər və investisiyalar, dost ölkələrin dəstəyi nə şəkildə nəzərə alınmalıdır?
Türkiyə, İtaliya, Pakistan, İsrail, Gürcüstan, hətta Rusiya və İran iş adamlarının və şirkətlərinin bu prosesə cəlb olunacağına dair söyləntilər var. Daha hansı ölkələr, şirkət və beynəlxalq qurumlar prosesdə iştirak edə biləcəklər? Qarabağın yenidən qurulması həm də Qarabağa Böyük Qayıdış deməkdi. Böyük Qayıdışa nə zaman start veriləcək? İlk öncə Şuşa, daha sonra digər rayonlar olmaqla, geridönüş nə zaman başlayır?

Qarabağın statusu məsələsi gündəmə qayıda bilərmi? Bayden administrasiyası işə başlamaqla, belə bir təşəbbüs göstərmək cəhdi edə bilərmi? Azərbaycan prezidenti dedi ki, status cəhənnəmə getdi. Biz vətəndaş olaraq, öz müzəffər liderimizə inanırıq. Lakin Azərbaycanın bu tarixi nəaliyyətinə zərbə vurmaq istəyənlər də çoxdur. Belə bir proses getsə, Rusiyanın mövqeyi necə olacaq?

Hökumət kadr islahatlarına hazırlaşır. Yalnız media siyasəti dəyişməyəcək. Bütün vektorlar üzrə kadr və struktur islahatları start götürəcək. Yaxın zaman üçün nələr gözləyək?

Qarabağın yenidən qurulıması prosesinə start verən kimi, ölkədə 10 minlərlə yeni iş yerləri yaranacaq. Qarabağ yalnız milli kimliyimizi və ruhumuzu, tarixdəki yerimizi yüksəltmədi. Qarabağ Azərbaycan iqtisadiyyatını da yeni mərhələyə çıxardacaq. Necə?

Bu və digər suallara aydınlıq gətirmək üçün politoloq Eldar Namazovla söhbət edirik

Видео Ermənistan xarici işlər naziri Xankəndində saziş imzaladı, cavabını necə verək?Eldar Namazov Canlıda канала TV Musavat