Hər gün gəzsəniz, orqanizimdə nə baş verər?

Hər gün gəzintiyə çıxsanız, orqanizmdə nə baş verər?

“Həkimlərin atası” sayılan Hippokrat deyib: “Yerimək insanın ən yaxşı dərmanıdır”. Həqiqətən də, yerimək pulsuz dərmandır. Asandır, çox fiziki gərginlik tələb etmir, həm fiziki, həm də zehni sağlamlığa faydalıdır.
Hər gün gəzintiyə çıxsanız, orqanizmdə müəyyən dəyişikliklər baş verəcək. Bunlar nələrdir? Buyurun, baxın...
10. Beyinin funksiyalarının artması. Kanzas Universitetində aparılan bir araşdırmada məlum olub ki, gəzintiyə çıxmaq demensiyanın erkən başlamasının qarşısını alır. Həmçinin, alzeymer riskini azaldır. Statistikaya əsasən, dünyada 35 milyondan çox insanın alzeymerdən əziyyət çəkdiyini söyləmək olar. Təəssüf ki, bu rəqəm getdikcə böyüyür. Elm adamları qarşıdakı 20 il ərzində bu göstəricinin iki dəfə artacağını ehtimal edir. Yeganə təsəlli odur ki, aktiv həyat tərzi keçirənlər oturaq həyat tərzi keçirənlərə nisbətən daha az risk altındadır. Bunun da səbəbi yaddaşa və istiqaməti təyin etməyə məsul olan hipokampusun aktivliyini qoruyub saxlamasıdır. Bundan əlavə, gəzmək stressi azaldır, endorfin ifrazatını artırır. Beyinə lazım olan kimyəvi maddələrin ifrazı da yüksəlir. Gəzintiyə çıxmaq neyronlara, kiçik qan damarlarına da xeyirdi.
9. Görmə qabiliyyətinin güclənməsi. Təəccübləndiniz? Necə yəni, ayaqlar hərəkət edir, amma gözlərə xeyirdir? Bu iki orqanın arasında hansı əlaqə mövcuddur? Əvvəlcə, onu deyim ki, yerimək göz təzyiqini aşağı salır. Həmçinin, qlaukoma da azalır. Qlaukoma gözdə maye yığılmasıdır. Bu zaman daxili təzyiq artır. Bu təzyiq göz sinirlərinə təsir edir və görmə problemləri yaradır. Qlaukoma Araşdırmaları Fondu da qlaukomanın simptomlarını azaltmağın ən yaxşı üsullarından biri kimi, uzun məsafəli gəzintini tövsiyə edir. Qlaukoma ilə bağlı narahat olmaq üçün hələ gənc olduğunuzu düşünürsünüzsə, gəzintiyə çıxmağı həyat rituallarınız sırasına daxil edin. Ətraf mühitlə təmasda olduğumuzda beynimizin gördüklərimizi analiz edən hissəsi-korteks güclənir.
8. Ürək problemlərinin qarşısının alınması. Qaçmaq ürəyi gücləndirir. Amerikan Ürək Dərnəyinə görə (American Heart Association), gəzintiyə çıxmaq da ürək problemlərinin qarşısını almaq və ürəyi gücləndirməkdə qaçmaq qədər faydalıdır. Gündə yarım saat yerimək yüksək təzyiqi və pis xolesterolun səviyyəsini aşağı salır. Qan dövranını nizamlayır. Beləcə, xroniki ürək çatışmazlığının yaranmasına mane olur.
7. Ağciyərin nizamlı fəaliyyəti. Yerimək aerobik idmandır. Yəni, qan dövranında oksigeni artırır, toksinlərin atılmasını sürətləndirir. Bu da ağciyərlərin təmizlənməsi deməkdir. Yeriyərkən, hələ təbiət qoynunda daha keyfiyyətli və daha nizamlı nəfəs alırıq. Bu zaman ağciyər xəstəlikləri simptomları azalır. Ağciyər problemlərinin ən çox stressdən və lazımi qidalanmamaqdan qaynaqlandığı məlumdur. Onun müalicəsi üçün qəbul edilən dərmanlar immuniteti zəiflədir. Açıq havada keçirilən zamanın immuniteti gücləndirdiyini bilirik. Bunu bilə-bilə, gündəlik həyat tərzimizə müəyyən müddətli gəzintini salmağa bizə nə mane olur?
6. Pankreasın qazanclı çıxması. İntizamlı gəzinti diabetin qarşısının alınmasında qaçmaqdan daha faydalıdır. Bunu 6 ay davam edən bir araşdırmada müəyyən ediblər. 6 ay ərzində tez-tez gəzintiyə çıxan insanlar qaçanlarla müqayisədə qan şəkəri problemlərindən 6 qat sürətlə xilas olublar. Qandakı şəkərin faydalı mənimsənilməsi pankreasın daha az insulin ifraz etməsinə səbəb olur. Bu da pankreasın daim ehtiyac duyduğu istirahətlə təmin olunması deməkdir.
5. Həzm prosesinin nizamlanması. Gün ərzində, sadəcə, yarım saat yerimək bağırsaq xərçəngi riskini azaldır. Həmçinin, bağırsaq hərəkətlərini də nizamlayır. Xroniki qəbizlikdən əziyyət çəkənlər üçün bu, yaxşı xəbərdir. 150 mindən çox qadın və kişinin iştirak etdiyi geniş bir araşdırma zamanı məlum olub ki, aktiv həyat tərzi keçirənlərin bağırsaq xərçəngindən ölmə riski nadirdir.
4. Əzələlərin elastiklik qazanması. Bəli, yeriməklə əzələləriniz elastikliyini artırır və siz artıq çəkidən xilas olmaq üçün daha bir şans əldə edirsiniz. Gün ərzində atılan 10 min addım idman zalında keçirdiyiniz 5 saata bərabərdir. Uzun məsafədə, yaxud yoxuş yuxarı yerisəniz, daha effektiv üsul sayılar. Bu arada, yeriyərkən bədən quruluşunuza da fikir verin:
-onurğanızı dik tutun;
-dirsəklərinizi 900 bucaq altında bükün;
-qollarınızı sallayın;
-çanağınızı balanslaşdırın;
Özünüzə müəyyən bir sürət tənzimləyin, amma qaçmayın. Çox sürətli qaçmasanız yorulmazsınız və hər hansı bir dincəlmə müddəti də axtarmazsınız. Yəni, sabahı gün eşiyə çıxa bilməyəcəyiniz qədər xamlamazsınız.
3. Sümük və oynaqların möhkəmlənməsi. Yerimək oynaqları, belə demək

Видео Hər gün gəzsəniz, orqanizimdə nə baş verər? канала Demədi Demə