Тапталтан тыллыбыт сибэкки. Виталий Очиров

Тапталтан тыллыбыт сибэкки. Любомир Кондаков тыллара уонна мелодията. Виталий Очиров толоруута.

*****
Тапталтан талбаарбыт хап-хара чоҕулхай хараххынан
Мин диэки дьоллоохтук эрэнэр курдук эн көрдөххүнэ,
Күһүҥҥү күн курдук оргууйдук дууһабын сылаанньытар,
Маҥнайгы хаар курдук сымнаҕас салгыҥҥа сөтүэлэтэр.

Саҥардыы тыллыбыт, күн сирин киэргэтэр мин сибэкким,
Көтүөхчэ көппөккө оргууйдук хамсанар кыталыгым,
Сарсыарда дьыбарга уйдарар куоластаах күөрэгэйим,
Куотуохча куоппакка кырдалга тэлээрэр үрүмэччим.

Тапталга бэриммит симиктик мичээрдиир уостаргынан
Оргууйдук ууруугун, аймаммыт сүрэхпин уоскутаҕын.
Олустук даҕаны эйигин таптыыбын, доҕоччугуом!
Дьиҥнээхтик эрэнэн, олохпун түстээбит тапталлааҕым!

*****
Хаартыскалар:
Дмитрий Ляшеев http://dnevniki.ykt.ru/Navygator
Махтал!

Видео Тапталтан тыллыбыт сибэкки. Виталий Очиров канала Ырыа ыллыга