Санаабын өйдөөрүүй. Дарья Лаврова & Алексей Винокуров

Санаабын өйдөөрүүй. Виталий Власов тыллара/мелодията (1978). Дарья Лаврова уонна Алексей Винокуров ыллыыллар.

*****
Эн миигин көрөргүн биллэрбин
Эйиэхэ сурукпун мин ыытыам.
Эппиэккин ааҕаммын үөрдэрбин
Тааттабар күүлэйдии ыҥырыам.

Ол оннук биир үтүө киэһэҕэ
Оргууйдук уоскуттан ууруоҕум.
Доҕорбун бар дьонум билиэҕэ,
Олохпор аргыстаах буолуоҕум.

Доҕоруом, мин диэки көрөөрүүй,
Мин баҕа санаабын өйдөөрүүй.
Ньургуһун курдук эн кэрэҕин,
Түүн аайы мин түүлбэр киирэҕин.

Эйигин эрэ мин таптыырбын
Чуумпуга сипсийэн этиэҕим,
Тапталыҥ сылааһын ылларбын
Үйэҕэ сүрэхпин биэриэҕим.

Соҕотох эйиэхэ аныаҕым
Бастакы бүтэһик биир тылы.
Дьоллоохтук эрэнэ саныаҕым,
Туоруохпут эн биһи сүүс сылы.

Видео Санаабын өйдөөрүүй. Дарья Лаврова & Алексей Винокуров канала Ырыа ыллыга