Klan News - Kokainë nga Fieri në Tiranë, tre në pranga

Më shumë se 1 kilogramë kokainë u sekuestruan nga policia në Tiranë. Ishte sektori i antidrogës që finalizoi operacionin “Bashkëpunimi 3”, duke vënë në pranga 3 persona. Ata janë Xhelo Ajasllari, Paolo Shyti dhe Ervin Rakipi.

Të moshës nga 23 deri në 43 vjeç, u pikasën në zonën e “Myslym Shyrit” teksa udhëtonin me një automjet tip fuoristradë. Tre të arrestuarit kishin ardhur nga Fieri për të shitur lëndën narkotike në kryeqytet.

Sasia e kokainës e mbështjellë me qese ishte marrë nga persona të tjerë për ta shitur në Tiranë, por u zbuluan nga agjentët e antidrogës.

Këta të fundit kishin informacion për këtë aktivitet kriminal dhe prej muajsh kishin nisur përgjimet dhe ndjekjen e tyre. Gjatë kësaj kohë, nga agjentë të infiltruar janë kryer blerje të stimuluar.

Gjatë kryerjes së operacionit pranë një karburanti në zonën e “Myslym Shyrit”, 43-vjeçari Ervin Rakipi nuk i është bindur urdhrave të punonjësve të Policisë.     

Tre të ndaluarit rezultojnë me precedent penal. Njëri prej tyre i skeduar për shpërndarje të lëndëve narkotike, ndërsa dy të tjerët për vepra të tjera penale.

 Lënda narkotike, së bashku me një automjet dhe celularët e shtetasve të arrestuar, u sekuestruan në cilësinë e provës materiale. Tashmë policia bën të ditur se po vijojnë hetimet për zbulimin edhe të personave të tjerë të përfshirë në këtë veprimtari kriminale.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook: https://www.facebook.com/klannews
Follow @klannews on Instagram: https://www.instagram.com/tvklannews/
#KlanNews #KlanNewsLajme #TvKlan

Видео Klan News - Kokainë nga Fieri në Tiranë, tre në pranga канала RTV KLAN