Далд ухамсарыг сэрээгч 9 минутын дасгал Dr.Ramesh's Potent Family

Бясалгал

УХАМСАРАА ХӨГЖҮҮЛЭХ 9 МИНУТЫН ДАСГАЛ

Дасгалаа эхлэхээсээ өмнө та Далд ухамсарыг сэрээгч үзгээрээ өөрийн биеэ цэвэрлэнэ. Цэвэрлэх дараалал:

1. Энергийн 7 хүрдээ
2. Холбоосууд
3. Тойрог

Ухамсарын үзэг байхгүй бол санаа зоволтгүй та шууд хийж болно. Үзэг хэрэглэж буйгийн гол шалтгаан нь энэхүү дасгалаа улам бүр эрчимжүүлж хүч оруулж буй явдал юм. Нэг үгээр хэлбэл дасгал хийснээр гарах үр дүнг хурдасгаж байгаа гэж ойлгож болно.

Нэгдүгээрт: Аль болох цэх суух нь чухал. Учир нь нуруу нугас энергийн судлууд дагаад энерги эрчимийн урсгал чөлөөтэй урсах боломжийг хангаж өгч буй юм. Та завилаад сууж болно, хөлөө жийгээд сууж болно, сандал дээр цэх сууж ч болно. Хамгийн гол нь таньд суудал тань таатай байх ёстой.

Хоёрдугаарт: Хоёр алгаа хавсран хуруунуудаа өндгөөр нь нийлүүлэн гарын алгаа салган хавсарч хуруунуудыг хооронд нь зайтай байлгана.

За одоо үндсэн дасгалдаа орьё.

1. Ямар нэг цэг олж ширтээд зөөлнөөр 9 удаа амьсгалаа аваад гаргана. (амьсгалаа 9 удаа тоолно)
2. Алгуур нүдээ аниад Мэлмий хүрд буюу хоёр хөмсөгний хооронд төвлөрөөд 9 удаа амьсгал аваад гаргана.
3. Анхаарлаа хамрын үзүүр дээр төвлөрүүлэн 9 удаа амьсгал аваад гаргана.
4. Аажмаар хамрын үзүүрээс уруул, эрүү, хүзүү гэх мэт доошлуулан үндэс хүрдэн дээрээ ирээд УМ уншиж эхэлнэ. Үндэс хүрд-Хувилгаан хүрд- Наран сүлжээ-Зүрхэн хүрд-Хоолойн хүрд-Титэм хүрд-Энергийн хүрдэн-Ухамсарын хүрдэн дээр буюу нийт дээшлэх замаар 9 удаа ум уншина.
5. Одоо Зүрхэн хүрдэн дээрээ анхаарлаа төвлөрүүлэн амьсгал авах тоолондоо улам бүр дотогшоо чиглэн гүнзгий амьсгалд зүрхэн хүрдний гэрлээ олж харахыг хичээнэ. Мөн 9 удаа амьсгал аваад гаргана.

Одоо хоёр гараа салгаад зүрхнийхээ гэрлээ тэлсээр

1. Өөрийн биеэ бүрхэнэ.
2. Энергийн биеэ бүрхэнэ
3. Ухамсарын биеэ бүрхэнэ
4. Эх дэлхийгээ дүүргэнэ
5. Нарны аймгаа дүүргэнэ
6. Одот ертөнцийг дүүргэнэ
7. Одот ертөнцүүдийг дүүргэнэ
8. Орчлон Ертөнцийг дүүргэнэ
9. Орчлон ертөнцүүдийг дүүргэнэ.

Бясалгал дасгалаа хийж дуусаад Та юунд талархмаар байна түүндээ өөрийн талархалаа илэрхийлж болно.
Бид бол

1. Энэ дасгалыг зааж өгсөн Доктор Рамеш багшдаа баярлалаа
2. Дээд бүхий л бурхаддаа баярлалаа
3. Газар ээждээ баярлалаа
4. Ариун сайн сайхны төлөө тэмүүлж яваа өөрсдийн ариун сүнсэндээ баярлалаа
5. Дасгалыг зааж хийлгэсэн багшдаа баярлалаа гэж дасгалаа өндөрлөдөг.

ДЭЛГЭРЭНГҮЙ МЭДЭЭЛЛИЙГ: www.thankyou-ngo.com-ooc

Видео Далд ухамсарыг сэрээгч 9 минутын дасгал Dr.Ramesh's Potent Family канала Betty Badamkhand