Гістарычны гімн Беларусі «Пагоня» - Беларусы з розных розных краін спяваюць у падтрымку Беларусі

Беларусы з розных гарадоў і краін у чарговы раз сабраліся разам у анлайне, каб праспяваць нацыянальны гімн Беларусі «Пагоня».

Праект - спяваем Годна.

Тэкст: Максім Багдановіч
Музыка: Мікола Шчаглоў-Куліковіч

Толькi ў сэрцы трывожным пачую
За краiну радзiмую жах,
Успомню Вострую Браму святую
I ваякаў на грозных канях.

У белай пене праносяцца конi,
Рвуцца, мкнуцца i цяжка хрыпяць,
Старадаўняй Лiтоўскай Пагонi
Не разбiць, не спынiць, не стрымаць!

Старадаўняй Лiтоўскай Пагонi
Не разбiць, не спынiць, не стрымаць!

У бязмерную даль вы ляцiце,
А за вамi, прад вамi — гады.
Вы за кiм у пагоню спяшыце?
Дзе шляхi вашы йдуць i куды?

Мо яны, Беларусь, паняслiся
За тваiмi дзяцьмi наўздагон,
Што забылi цябе, адраклiся,
Прадалi i аддалi ў палон?

Што забылi цябе, адраклiся,
Прадалi i аддалi ў палон?

Бiце ў сэрцы iх — бiце мячамi,
Не давайце чужынцамi быць!
Хай пачуюць, як сэрца начамi
Аб радзiмай старонцы балiць.

Мацi родная, Мацi-Краiна!
Не ўсцiшыцца гэтакi боль.
Ты прабач, ты прымi свайго сына,
За Цябе яму ўмерцi дазволь!

Ўсё лятуць і лятуць тыя коні,
Срэбнай збруяй далёка грымяць...
Старадаўняй Літоўскай Пагоні
Не разьбіць, не спыніць, не стрымаць.

Старадаўняй Літоўскай Пагоні
Не разьбіць, не спыніць, не стрымаць.

Падрабязней пра кампанію «Годна»: https://hodna.by/

Видео Гістарычны гімн Беларусі «Пагоня» - Беларусы з розных розных краін спяваюць у падтрымку Беларусі канала Беларусы Замежжа