Sirr ortaya çıxdı! Bədənimiz niyə hər gün bu qidanı tələb edir?

Vətəni Mərkəzi Amerika olan qarğıdalının da hələ tərəvəz, yoxsa bitki olduğu haqda mübahisələr davam edir. Amma bu mübahisələrin heç biri onun nə dadına, nə də orqanizm üçün faydasına kölgə salır…
“Sütül qarğıdalı” deyə qazan başında gözlədiyimiz də az olmayıb, popcorn almaq üçün növbədə dayanmağımız da… Çünki, orqanizm qarğıdalını tələb edir. Bəli, səhv eşitmədiniz! Orqanizm qarğıdalını tələb edir. Niyəsini indi biləcəksiniz.
100 qramında 365 kalori olan qarğıdalının faydaları bunlardır:
1. Həzmə yaxşı təsir göstərir-tərkibindəki yüksək miqdarda lif sayəsində həzm prosesinin problemsizliyinə zəmanət verir. Qəbizlik və ya ishal hallarında menyuya qarğıdalı daxil etsəniz, faydasını qısa zamanda görəcəksiniz.
2. Qanazlığını yox edir- qarğıdalı qırmızı qan hüceyrələrinin ehtiyacı olan maddələrin təminatçısıdır. Xüsusilə, dəmirin. Ona görə də, qida rasionuna qarğıdalı daxil edənlərdə qanazlığı problemləri nadir hallarda, o da başqa bir xəstəlik səbəbiylə nəzərə çarpır.
3. Gözlərin dostudur- A vitamininin görmə qabiliyyətinə yaxşı təsir etdiyini bilirik. Qarğıdalının təkibində A vitaminindən əlavə, görmə sisteminin daimi ehtiyac duyduğu karotenoidlər də var.
4. Zehni açır-bəli, qarğıdalı yeyərkən, mədənizlə yanaşı, beyniniz də sevinir. Xüsusilə, yaşlılığın özüylə bərabər gətirdiyi beyin problemlərinin qarşısını almaqçün qarğıdalı çox faydalıdır. Mütəxəssislər alzeymer xəstələrinin menyusuna qarğıdalı daxil etməyi tövsiyə edirlər ki, xəstəlik sürətlə irəliləməsin.
5. Ürək-damar problemlərinin həllində kömək edir- qarğıdalının tərkibindəki faydalı yağ turşuları pis xolesterolun səviyyəsinin aşağı düşməsinə səbəb olur. Bu isə ürək və ya qan-damar sisteminin sağlamlığının qorunması deməkdir.
6. Sümükləri möhkəmlədir-orqanizmdəki bağ toxumalarını və sümükləri gücləndirən elementlərdən də qarğıdalıda var. Tərkibindəki bol miqdarda dəmir, mis, fosfor, maqneziumla qarğıdalı sümük əriməsinin də qarşısını alır.
7. Dərini yeniləyir- qarğıdalıdakı beta-karoten, A, E və C vitaminləri dəri hüceyrələrinin yenilənməsinə yaxşı təsir edir. Lazımi miqdarda qarğıdalı yeyərək dərinizin cavan qalmasını təmin edə bilərsiniz.
8. Xərçəngdən qoruyur- araşdırmalar zamanı müşahidə olunub ki, güclü bir antioksidant olan qarğıdalı orqanizmdəki sərbəst radikalları məhv edir. Xüsusilə, döş xərçəngi və ya qaraciyər xərçəngi zamanı qarğıdalı yemək önəmlidir ki, xəstə hüceyrələr çox yayılmasın.
9. Enerji mənbəyidir-idman saatına və ya fiziki gərginlik tələb edən işə başlamazdan qabaq qarğıdalı yemək faydalıdır. Bu zaman orqanizm enerji ilə təmin edilir.
Harvard Universitetinin əməkdaşları əmindir ki, qarğıdalı uşaqlar və yaşlılar üçün gündəlik lif mənbəyidir. Üstəlik, qarğıdalı toxluq hissi də yaradır ki, bu da onu dietoloqların sevimlisinə çevirir. Qarğıdalı suyu isə bağırsaqların təmizlənməsi, mədə və mədəaltı vəzin sağlamlığı, artıq çəkidən azad olmaq üçün faydalıdır.
Qarğıdalı suyu belə hazırlanır: qarğıdalını bişirdiyiniz suyu atmayın, süzgəcdən keçirib saxlayın. İçinə istəsəniz duz, yaxud zövqə görə, hansısa bir ədviyyat qatın. Bişmiş qarğıdalını dənələyin, blenderlə əzin. Hər 1 stəkan qarğıdalı suyuna 2 çay qaşığı əzilmiş qarğıdalı qatın. Alınan qarışımı ağzını örtərək 2-3 dəq saxlayın və ilıq halda için.
Qarğıdalı saçağını isə gün ərzində qara çay əvəzinə dəmləyərək içmək böyrəklərin sağlamlığına yaxşı təsir edir.

Видео Sirr ortaya çıxdı! Bədənimiz niyə hər gün bu qidanı tələb edir? канала Demədi Demə