"CURONA (Sars-Cov-2)" - di Alfredo D'Ecclesiis

Questo è un brano che ho scritto poco prima di Pasqua. In quei giorni, sapendo di non poter trascorrere le feste con i miei cari, il non poter vedere le persone, gli amici a cui tengo, mi ha suscitato sensazioni forti nonchè la necessità di descrivere questo momento storico così strano.

"CURONA (Sars-Cov-2)"

Curona ca staje 'ncapa 'a regina
e 'ncapa 'o figlio 'na curona 'e spine
Curona ca staje 'nmano 'e vvecchie
capille janche vestut' 'e nire

Curona ca si' malatia
e faje tremmà 'e 'gnurante comme mme
ma pure chi ha studiato e saje pecchè
pecchè tu cuoglie senza maje vedè

E mmo' chi 'eva spusà nun sposa cchiù
Nisciuno ca sta appriess' 'o carr' 'e muorte
Nisciuno dint' 'a chiesa annanz' a Cristo
Parlasse quaccheruno si l'ha visto

Uocchie diun' 'e ggente a ogni ffenesta
Parole ca fann' eco dint' 'a stanza
'A casa è silenziosa, 'a via è vacante
e 'mpietto ratt' 'o funno d' 'a speranza.

'Na vena 'nfronte ca cagna culore
luntan' 'a mamma, pate, frate e sore
Gesù ca nasce p' 'a siconda vota,
nisciuno ca dimanna comm'è stato

E chi ten' 'e ccriature dint' 'a casa
suspira e po' 'e ccunsola cu 'nu vaso
Ma stanno case addò vence 'a paura,
l'Inferno chiuso dint' a quatto mura.

Mo' quanno e si fernesce chistu tiempo,
chi s'è accasciato e chi è rimast' allerta,
quanno cuntamm' 'e muorte e chi è stat'ommo
vedimme chi sta zitto e chi risponne

vedimme chi sta zitto e chi risponne
vedimme chi sta zitto e chi risponne
vedimme chi sta zitto e chi risponne

________________________________________________

Alfredo D'Ecclesiis: voce, armonica e video
Gian Paolo Costantini: chitarra, produzione, mixing
Corrado Ciervo: violino
________________________________________________

#Quarantena #sarscov2 #coronavirus #covid19 #corona #iorestoacasa
#canzoniinquarantena

Видео "CURONA (Sars-Cov-2)" - di Alfredo D'Ecclesiis канала alfredo d'ecclesiis